ଦାମଙ୍କୁ ନେଇ ପୁଣି ରାଜ୍ୟରେ ଚର୍ଚ୍ଚା ଜୋର ଧରିବାର ଲାଗିଛି । ଦାମ ବିଜେଡ଼ି ଛାଡ଼ିବା ହେଉ କି ବିଜେଡ଼ିରେ ମନ୍ତ୍ରୀ ପଦରେ ରହିଆସିଥିବାବେଳେ ହେଉ ପ୍ରତିଟି ସମୟରେ ଦାମଙ୍କ କଥାକୁ ନେଇ ସରଗରମରେ ରହିଆସିଥିବା ରାଜନୀତି । ଆଜି ଆଉଟିକେ ଗରମାମରମ ହୋଇଯାଇଛି । ଡଃ ଦାମଦର ରାଉତ ତାଙ୍କ ତୁଣ୍ଡର କଥାକୁ ନେଇ ସବୁବେଳେ ଚର୍ଚ୍ଚାରେ ରହିଆସୁଥିବାବେଳେ ଆଜି ବିଜେପିରେ ଯୋଗ ଦେଇଛନ୍ତି । ଆଉ ବିଜେପିରେ ଯୋଗ ଦେବା ପରେ ପରେ ସିଧାସଳଖ ନବୀନ ସରକାରକୁ ନେଇି ରଖିଛନ୍ତି ବିଷ୍ଫୋରକ ବୟାନ ଯାହାକୁ ନେଇ ବିଜେଡ଼ି ମାହୋଲ ଗରମ ।
ଦାମଙ୍କ କହିବା ଅନୁଯାୟୀ ନବୀନଙ୍କ ଶାସନ ସମୟରେ ଦୁର୍ନୀତି ଓ ନାରୀ ନିର୍ଯ୍ୟାତନା ବଡ଼ିଛି । ଚାଷୀ ଆତ୍ମହତ୍ୟା ମଧ୍ୟ ବଢ଼ିଛି । ଏଥର ନିର୍ବାଚନରେ ଓଡ଼ିଶାର ଜନସାଧାରଣ କୁଶାସନ ଓ ଭ୍ରଷ୍ଟାଚାର ଓ ଦୁର୍ନୀତି ବିରୁଦ୍ଧରେ ନିଶ୍ଚୟ ସ୍ୱର ଉତ୍ତଳନ କରିବେ । ରାଜ୍ୟ ସରକାର କୋଟି କୋଟି ଟଙ୍କାର ଋଣ ଆଣି ଅୟସ ଆରାମ କରୁଛନ୍ତି । ତାଛଡ଼ା ସେ ଆହୁରି ମଧ୍ୟ କହିଛନ୍ତି ଏଥର ୨୦୧୯ ନିର୍ବାଚନରେ ନିଶ୍ଚୟ ଭ୍ରଷ୍ଟାଚାର ସରକାର ବଦଳିବ । ଲେକେ ନିଶ୍ଚୟ ଜବାବ ଦେବେ । ତେବେ ଦାମ ବିଜେପିରୁ କେଉଁଠୁ ଲଢ଼ିବେ ତାହା ନେଇ ସ୍ପଷ୍ଟ କରିନଥିବାବେଳେ ସେ କହିଛନ୍ତି କି ଦଳ ଯେଉଁଠୁ ଟିକେଟ୍ ଦେବ ମୁଁ ସେଇଠୁ ଲଢ଼ିବି ।
ଅନ୍ୟପ୍ଣଙ୍କ ସେ କହିଛନ୍ତି କି ବାଲିକୁଦା-ଏରସମା ଆସନରୁ ଲଢ଼ିବାକୁ ସେ ଆଗ୍ରହୀ ଅଛନ୍ତି । ଜନ୍ମ ସ୍ତାନ ବାଲିକୁଦାରୁ ୨୫ ବର୍ଷ ବିଧାୟକ ଥିଲେ ତେଣୁ ଶେଷ ଜୀବନରେ ଜନ୍ମମାଟିର ସେବା କରିବାକୁ ଚାହୁଁଛନ୍ତି ବୋଲି ସେ ପୂର୍ବରୁ କହିଥିଲେ ।
