ଜୟନ୍ତ ଶତପଥୀ(କେନ୍ଦ୍ରାପଡ଼ା):କେନ୍ଦ୍ରାପଡା ଜିଲ୍ଲା ପଞ୍ଚାୟତ ସମିତି ସଭ୍ୟ ସଭ୍ୟା ସଂଘ ର ପ୍ରଥମ ସଂକଳ୍ପ ଦିବସ ଗତ ରବିବାର ଗୌରୀଶଙ୍କ ହୋଟେଲ ଠାରେ ଅନୁଷ୍ଠିତ ହୋଇଯାଇଛି ।
ଏହି ବୈଠକରେ ସବୁ ବ୍ଲକ ର ଅନେକ ସଭ୍ୟ, ସଭ୍ୟା ମାନେ ଉପସ୍ଥିତ ରହି ନିଜ ନିଜର ମନ୍ତବ୍ୟ ରଖିଥିଲେ।ଆଗାମୀ ଦିନରେ ଏହି କାର୍ଯକ୍ରମ କୁ ଆହୁରି ବ୍ୟାପକ କରାଯିବ ବୋଲି ବକ୍ତା ମାନେ ମତ ପୋଷଣ କରିଥିଲେ ।ପ୍ରତି ବ୍ଲକ ରେ ସଂଘ ର କର୍ମକର୍ତା ବଛା ଯିବ,ଏହି କାର୍ଯ୍ୟକ୍ରମ କୁ ଜିଲ୍ଲା ଠାରୁ ଆରମ୍ଭ କରି ରାଜ୍ୟ ସ୍ତରୀୟ ପର୍ଯ୍ୟନ୍ତ ଆୟୋଜନ କରାଯିବ ବୋଲି ମତ ଦେଇଥିଲେ ।
ଏହି ସଂକଳ୍ପ ଦିବସରେ ଡେରାବିଶ ବ୍ଲକ ଅଧକ୍ଷ ପ୍ରଭାତୀ ମଳିକ , ଗରଦପୁର ଅଧକ୍ଷ ଅଭୟ ମହାରାଜ , ଡେରାବିଶ ର ପୂର୍ବତନ ଅଧକ୍ଷ ସରୋଜ କୁମାର ସାହୁ, କେନ୍ଦ୍ରାପଡ଼ା ବ୍ଲକ ଉପାଧକ୍ଷ, ଆଳି ବ୍ଲକ ଉପାଧକ୍ଷ, ମହାକାଳପଡ଼ା ଉପାଧକ୍ଷ ଉପସ୍ଥିତ ରହି ସମିତି ସଭ୍ୟ ଓ ସଭ୍ୟା ଙ୍କ ଦାୟିତ୍ୱ ଓ ହକ ପାଇଁ ସମସ୍ତେ ନିଷ୍ଠାର ସହିତ ସହଯୋଗ କଲେ ଏହା ସଫଳତା ନିଶ୍ଚିତ ମିଳିବ ବୋଲି ମତପ୍ରକାଶ କରିଥିଲେ ।
ସଂଘର ମୁଖ୍ୟ ଆବାହକ ସୁଜିତ କୁମାର ବଳ ସଂଘର ଦଶଦଫା ଦାବୀ ସମ୍ପର୍କରେ ସଭ୍ୟ ଓ ସଭ୍ୟା ମାନଙ୍କୁ ଅବଗତ କରିଥିଲେ, ପ୍ରତେକ ବ୍ଲକ ରେ କୋର କମିଟି ଗଠନ କରାଯିବ ବୋଲି ବୈଠକ ରେ ସ୍ଥିର କରାଯାଇଛି ।
