ସଂଜୟ ଶତପଥୀ(କଟକ):ବିଶ୍ୱ ସତ୍ୟ-ସନାତନ-ଧର୍ମ ପ୍ରଚାରିଣୀ ମହାସଙ୍ଘ କଳକୀ ସେନା ଟ୍ରଷ୍ଟ ପକ୍ଷରୁ ଅନୁଷ୍ଠିତ ଧର୍ମସଭାରେ ସଦଗୁରୁ କଳକୀବାବା ଯୋଗଦେଇ କହିଲେ -ଧର୍ମରକ୍ଷା ଓ ଶାନ୍ତି ସ୍ଥାପନ ହେଉଛି କଳକୀ ସେନାର ମୂଳମନ୍ତ୍ର ।ଏହି ବାର୍ତ୍ତାକୁ ସମସ୍ତ ଶ୍ରଦ୍ଧାଳୁମାନଙ୍କୁ ଜଣାଇବା ହେଉଛି ପ୍ରତ୍ୟେକ ସେନାନୀର ସାଧୁ ଉଦ୍ୟମ ।
ନରାଜ-ମାର୍ଥାପୁରସ୍ଥିତ ଶ୍ରୀ ଅନନ୍ତବାସୁଦେବ ମନ୍ଦିର ପରିସରରେ ଆୟୋଜିତ ଧର୍ମସଭାରେ କଳକୀରତ୍ନ ଲକ୍ଷ୍ମୀଧର ଦାସଙ୍କ ସଭାପତିତ୍ୱ କରିଥିଲେ ।ପ୍ରାରମ୍ଭରେ ଶ୍ରୀ ଜଗନ୍ନାଥାଷ୍ଟକ ଓ କଳକୀ ଭଜନ ଗାନ କରାଯିବାପରେ ମୁଖ୍ୟ ପ୍ରବକ୍ତା ପ୍ରସନ୍ନାନନ୍ଦ ଦାସଗୁରୁ ମୌନୀବାବା କହିଲେ – ସନାତନ ଧର୍ମର ମୂଳତତ୍ତ୍ୱକୁ କଳକୀ ସେନା ପ୍ରଚାର କରିବା ଯୁଗ ପରିବର୍ତ୍ତନର ସୂଚନା ଦେଉଛି ବୋଲି ଭକ୍ତମାନଙ୍କ ପାଇଁ ଶୁଭ ସୂଚନା ।
ଅନ୍ୟମାନଙ୍କ ମଧ୍ୟରେ ସେନାର ପ୍ରଚାର କମିଟି ଅଧ୍ୟକ୍ଷ ଆଡ଼ଭୋକେଟ ଏସ. ପିନାକୀନ, କେନ୍ଦ୍ର ଲୋକସମ୍ପର୍କ ପ୍ରମୁଖ ବିଜୟ କୁମାର ସାମଲ, ଆଡ଼ଭୋକେଟ ପ୍ରସନ୍ନ କୁମାର ମହାପାତ୍ର, ପ୍ରଭାତ କୁମାର ସାହୁ ଓ ନିଶିକାନ୍ତ ପରିଡା ପ୍ରମୁଖ କଳକୀ ଦର୍ଶନ ଉପରେ ବିଶଦଭାବେ ଆଲୋଚନା କରିଥିଲେ ।ଶେଷରେ ପଣ୍ଡିତ ନିରାକାର ପଣ୍ଡା ଧନ୍ୟବାଦ ଦେବାପରେ ସମସ୍ତ ଶ୍ରଦ୍ଧାଳୁମାନଙ୍କୁ ଅନ୍ନ ପ୍ରସାଦରେ ଆପ୍ୟାୟିତ କରାଯାଇଥିଲା ।
