ବଦଳୁଛି ରାଜନୀତିର ଦୃଶ୍ୟପଟ୍ଟ । କିଏ କୁଆଡ଼େ ଯିବ ଆଉ କିଏ କେଉଁ ଦଳର ନୂଆ ମୁହଁ ହେବ । ତାହା ନେଇ ଚାଲିଛି ମାନସମନ୍ଥନ । କିଏ ବିଜେପିରେ ମିଶୁଛିତ କିଏ ବିଜେଡ଼ିରେ ଆଉ କିଏ କଂଗ୍ରେସକୁ ଗୋଡ଼ ବଢ଼ାଉଛି । ଏମତି କହିବାକୁ ଗଲେ ରାଜନୀତିରେ ଅଭିନେତା, ଗାୟକ, ଶିକ୍ଷକ, ଆଇଏସ୍ ପରି ଅନେକ ସାଧାରଣ ଜୀବନୀରୁ ନେତା ପାଲଟିଥିବାବେଳେ, ଏବେ ସେହି ରାଜନୀତି ବହିରେ ଆଉ ଏକ ପୃଷ୍ଟା ଯୋଡ଼ି ହୋଇଯାଇଛି । ଏବେ ଓଡ଼ିଶା ରାଜନୀତିରେ ସାମିଲହେଲେ ଆଉ ଏକ ଚିହ୍ନା ମୁହଁ । ଯାହାକୁ ଆପଣ ବହୁତ ଭଲଭାବେ ଜାଣିଥିବେ । ଆଜ୍ଞା ହଁ ସେ ଆଉ କେହି ନୁହଁନ୍ତି ସେ ହେଉଛନ୍ତି ମୀରା ଓରଫ ମୀରାପରିଡ଼ା ।
ରାଜନୀତି କରିବେ ମୀରା । ଅର୍ଥାତ୍ ଅଲ୍ ଓଡ଼ିଶା କିନ୍ନର ମହାସଂଘର ସଭାପତି ମୀରା ପରିଡ଼ା କରିବେ ରାଜନୀତି । ଏନେଇ ଆଜି ମୀରା ପରିଡ଼ା ନବୀନ ନିବାସରେ ବିଜେଡ଼ି ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଉପସ୍ଥିତିରେ ଯୋଗଦେଇଛନ୍ତି । ଖାଲି ମୀରା କାହିଁକି ମୀରାଙ୍କ ସହଯୋଗୀ ମଧ୍ୟ ବିଜେଡ଼ିରେ ମିଶିଥିବା ଦେଖିବାକୁ ମିଳିଥିଲା । ଏବଂ ମୀରା ଓ ମୀରାଙ୍କ ସହଯୋଗୀ ମାନଙ୍କୁ ନବୀନ ଦଳକୁ ସ୍ୱାଗତ କରିଥିଲେ । ଦଳରେ ମୀରା ମିଶିସାରିଲାପରେ ମିରା ଗଣ ମଧ୍ୟମକୁ ଜଣଶଇଛନ୍ତି କି, ସେ ଟିକେଟ୍ ଆଶାରେ ଦଳରେ ମିଶି ନାହାଁନ୍ତି ବରଂ ସେ ଜଣେ ଦଳର କର୍ମୀ ଭାବରେ ମିଶିଛନ୍ତି । ତ। ଛଡ଼ା ଦଳର ଜଣେ କର୍ମୀ ଭାବେ କାମ କରିବେବୋଲି ସେ କହିଛନ୍ତି ।
