ନବୀନ ଦାଶ(ବରଗଡ଼):-ବରଗଡ଼ ଜିଲ୍ଲା ଅତାବିରା ବ୍ଲକ ଅଧିନରେ ଟୋପ-ଖଲିଆ ପାଲି କୁତୁରୀ ଟିକ୍ରା ଆନ୍ଧ୍ରପଡ଼ା ରେ ଥିବା ରେଡ୍ଡୀ ଏଜେନ୍ସି ରେ ୱେଲଡିଂ ମେସିନ ସଜାଡିବାକୁ ଯାଇ ଜଣେ ୨୭ବର୍ଷୀୟାନ ଯୁବକ ମୁନୁ କୁମାର ବିଦ୍ୟୁତ୍ ସଂସ୍ପର୍ଶରେ ଆସି ମୃତ୍ୟୁ ବରଣ କରିଥିବା ଜଣାପଡିଛି।
ପ୍ରକାଶ ଥାଉ କି ରାଞ୍ଚି ପଲାମୁ ଗାଆଁ ରୁ ଦୀର୍ଘ ଦିନରୁ ମୁନୁ କୁମାର ଆସି ଅତାବିରା ଟେମ୍ପୁ ଷ୍ଟାଣ୍ଡ ନିକଟରେ ଏକ ଇଲେକ୍ଟ୍ରିକାଲ ଦୋକାନ ଦେବା ସହ ସ୍ଥାନୀୟ ଅଞ୍ଚଳରେ ଲୋକ ତଥା ମିଲ କାରଖାନା ମାନଙ୍କରେ ଇଲେକ୍ଟ୍ରିସିଏନ୍ ଭାବେ କାର୍ଯ୍ୟ କରି ପେଟ ପାଟଣା କରିଆସୁଥିଲା।ଦୀର୍ଘ ବର୍ଷ ହେବ ସବୁ ଦିନ ଭଳି ୨୮ତାରିଖ ସୋମବାର ଦିନ ଅପରାହ୍ନ ସାଢେ଼ ୪ଟା ରେ ଟୋପ ଖଲିଆପାଲି କୁତୁରୀ ଟିକ୍ରା ଆନ୍ଧ୍ରପଡ଼ା ନିକଟରେ ରହିଥିବା ରେଡ୍ଡୀ ଏଜେନ୍ସୀରେ ବିଦ୍ୟୁତ୍ କାର୍ଯ୍ୟ କରୁଥିବା ସମୟରେ ବିଦ୍ୟୁତ୍ ସଂସ୍ପର୍ଶରେ ଆସି ମୃତ୍ୟୁ ଘଟିଛି।ତେବେ କାହାର କେଉଁ ତ୍ରୁଟି ଯୋଗୁଁ ନିରୀହ ଜୀବନ ଟଳି ପଡ଼ିଲା ତାହା ରହସ୍ୟ ଘେରରେ।
ଏନେଇ ଏଜେନ୍ସୀ ର ଏକ କାର ଯୋଗେ ଅତାବିରା ସରକାରୀ ଡାକ୍ତରଖାନା ମୁନୁ କୁମାର କୁ ପହଞ୍ଚାଇ ଥିବାବେଳେ ଡାକ୍ତର ତାକୁ ମୃତ ଘୋଷଣା କରି ଅତାବିରା ପୋଲିସ ତଦନ୍ତ କ୍ରମେ ଶବ ବ୍ୟବଚ୍ଛେଦ ପାଇଁ ବରଗଡ ପଠାଇ ଦିଆଯାଇଥିବା ଜଣାପଡିଛି।ମୃତ ମୁନୁ କୁମାର ନିହାତି ଗରିବ ପରିବାର ପିଲା ହୋଇ ନିଜ ପେଟ ପୋଷୁଥିବା ବେଳେ କିଭଳି ତାଙ୍କ ପରିବାର ଚଳିବ ସଂପୃକ୍ତ ବିଭାଗୀୟ ଅଧିକାରୀ ମାନେ ତଦନ୍ତ ମୁତାବକ କ୍ଷତି ପୂରଣ ଦେବା ପାଇଁ ସାଧାରଣ ରେ ଦାବୀ ହେଉଛି।
