ଜୟନ୍ତ ଶତପଥୀ(ଡେରାବିଶ): ପ୍ରଜାପିତା ବ୍ରହ୍ମକୁମାରୀ ଈଶ୍ବରୀୟ ବିଶ୍ୱବିଦ୍ୟାଳୟର ଭାରତପଡା ଚାନ୍ଦୋଳ ଶାଖା ପକ୍ଷରୁ,ଶାରଦୀୟ ପୂଜା ଅବସରରେ ମହାନବମୀ ଠାରୁ ଭସାଣୀ ଉତ୍ସବ ପର୍ଯ୍ୟନ୍ତ ଜୀବନ୍ତ ରଙ୍ଗମଂଚ ମାଧ୍ୟମରେ ଲୋକମାନଙ୍କୁ ଆଧ୍ୟାତ୍ମିକ ଗୁରୁ ଜ୍ଞାନ ପ୍ରଦର୍ଶିତ କରାଯାଇଥିଲା ।
ଏହି ଆଧ୍ୟାତ୍ମିକ ମହୋତ୍ସବର ପ୍ରଥମ ସଂନ୍ଧ୍ଯାରେ,ଚାନ୍ଦୋଳ ଗ୍ରାମପଞ୍ଚାୟତର ସମିତିସଭ୍ଯା ଶ୍ରୀମତୀ ମଞ୍ଜୁଲତା ମିଶ୍ର ଆନୁଷ୍ଠାନିକ ଭାବେ ପ୍ରଦୀପ ପ୍ରଜ୍ବଳନ କରି ଉଦ୍ଘାଟନ କରିଥିବାବେଳେ, ସମାଜସେବୀ ବନବିହାରୀ ମହାନ୍ତି ଓ ଶାଖା ପରିଚାଳିକା ସନ୍ଧ୍ଯାରାଣୀ ପଟ୍ଟନାୟକ ଧନ୍ୟବାଦ ଅର୍ପଣ କରିଥିଲେ । ଦ୍ୱିତୀୟ ସଂନ୍ଧ୍ଯାରେ କୁଜଙ୍ଗା ପଞ୍ଚାୟତର ସମିତିସଭ୍ୟା ଶ୍ରୀମତୀ ବବିତା ଶତପଥୀ ମୁଖ୍ୟ ଅତିଥି ଭାବେ ଯୋଗ ଦେଇ, ପ୍ରତ୍ୟେକ ମନୁଷ୍ୟ ଜୀବନରେ ଆଧ୍ୟାତ୍ମିକ ଚେତନାର ବିକାଶ କ୍ଷେତ୍ରରେ ପ୍ରଜାପିତା ବ୍ରହ୍ମକୁମାରୀ ବିଶ୍ୱବିଦ୍ୟାଳୟର ଭୁମିକା ଅତ୍ୟନ୍ତ ସାଧୁ ଉଦ୍ୟମର ଭୁରିୟସି ପ୍ରଶଂସା କରିଥିଲେ।
ତୃତୀୟ ତଥା ଶେଷ ସଂନ୍ଧ୍ଯାର ଅତିଥିଭାବେ ବରିଷ୍ଠ ସାମ୍ବାଦିକ ଜୟନ୍ତ ଶତପଥୀ ଯୋଗ ଦେଇ କହିଥିଲେ କି,ପାଶ୍ଚାତ୍ଯ ସଭ୍ୟତାର କୁତ୍ସିତ ସଂସ୍କୃତିର ଶିକାର ହେଉଥିବା ଯୁବପିଢିଙ୍କ ପାଇଁ,ଚାନ୍ଦୋଳ ଅଂଚଳରେ ବ୍ରହ୍ମକୁମାରୀ ଶାଖା ପକ୍ଷରୁ ଏପରି ଆଧ୍ୟାତ୍ମିକ ମହୋତ୍ସବର ଆୟୋଜନ କରିଥିବାରୁ ଶାଖା ପରିଚାଳକ ତଥା କର୍ମକର୍ତ୍ତା ମାନଙ୍କୁ ମୁଁ ଆନ୍ତରିକ ଧନ୍ୟବାଦ ଅର୍ପଣ କରିବା ସହ,ଏହିପରି କାର୍ଯ୍ୟକ୍ରମ ଜିଲ୍ଲାର ପ୍ରତ୍ୟେକ ଅଂଚଳରେ ହେବାର ଆବଶ୍ୟକ ତା ରହିଛି ବୋଲି ମତ ପୋଷଣ କରିଥିଲେ ।ଏହି ଶେଷ ସଂନ୍ଧ୍ଯାରେ ଅନ୍ୟତମ ଅତିଥି ଭାବେ, ଶାଖାପାଇଁ ନିସ୍ୱାର୍ଥପର ଭାବେ ଘର ଯୋଗାଇ ଦେଇଥିବା ଡାକ୍ତର ଏଲ୍.ଏନ୍ ମହାନ୍ତି ଦମ୍ପତ୍ତିଙ୍କୁ ସମ୍ମାନିତ କରାଯାଇ ଥିଲା ।
ପରିଶେଷରେ ଧନ୍ୟବାଦ ଅର୍ପଣ କରିଥିଲେ ବନବିହାରୀ ମହାନ୍ତି, ସନ୍ଧ୍ଯାରାଣୀ ପଟ୍ଟନାୟକ, ରୁବିଲତା,ବନିତା,ଚାରୁଲତା,କାଞ୍ଚନ ଓ ଶାଖାର ସମସ୍ତ ଭାଇ ଓ ଭଉଣୀମାନେ ।
