ଆଦିତ୍ୟ ବେହେରା(ଭୁବନେଶ୍ବର): ନଭେମ୍ବର ୨୬ ତାରିଖକୁ ସମ୍ବିଧାନ ଦିବସ ରୂପେ ପାଳନ କରାଯାଏ ।୧୯୪୯ ମସିହା ଆଜିର ଦିନରେ ଅର୍ଥାତ୍ ନଭେମ୍ବର ୨୬ ତାରିଖରେ ଭାରତର ସମ୍ବିଧାନ ପ୍ରସ୍ତୁତ ହୋଇଥିଲା । ଡକ୍ଟର.ବି.ଆର୍.ଆମ୍ବେଦକର ଭାରତ ସମ୍ବିଧାନକୁ ଦୁଇବର୍ଷ ଏଗାର ମାସ ଏବଂ ୧୮ ଦିନରେ ପ୍ରସ୍ତୁତ କରି ରାଷ୍ଟ୍ରକୁ ସମର୍ପିତ କରିଥିଲେ । ଭାରତର ସମ୍ବିଧାନ ବିଶ୍ୱର ସବୁଠାରୁ ବଡ ସମ୍ବିଧାନ ମନେ କରାଯାଏ । ୨୬ ଜାନୁଆରୀ ୧୯୫୦ ରେ ଲାଗୁ କରାଯାଇଥିବା ଭାରତର ସମ୍ବିଧାନ,ପ୍ରଥମ ଥର ପାଇଁ ୨୦୧୫ ମସିହାରେ ଭାରତ ସରକାରଙ୍କ ଦ୍ୱାରା “ସମ୍ବିଧାନ ଦିବସ” ରୂପେ ପାଳନ କରାଗଲା ।
ଡକ୍ଟର.ଆମ୍ବେଦକରଙ୍କ ଯୋଗଦାନ ଏବଂ ସମ୍ବିଧାନର ମହତ୍ତ୍ୱକୁ ପ୍ରସାର କରିବା ପାଇଁ “ସମ୍ବିଧାନ ଦିବସ” ପାଳନ କରାଯାଏ ।
ଏହି ଅବସରରେ ଓଡିଶା ବିଧାନସଭା ପରିସରରେ,ବିଧାନସଭା ସଚିବ ଶ୍ରୀ ଦାଶରଥି ଶତପଥୀଙ୍କ ପୌରହିତ୍ୟରେ ସମ୍ବିଧାନ ଦିବସ ପାଳିତ ହୋଇଯାଇଛି ।
ଶ୍ରୀ ଶତପଥୀ,ପ୍ରଥମେ ବିଧାନସଭାର କାର୍ଯ୍ୟରତ ଅଧିକାରୀ ଓ କର୍ମଚାରୀ ମାନଙ୍କୁ, ଭାରତ ସମ୍ବିଧାନର ପ୍ରସ୍ତାବନା ଓ ମୌଳିକ ମୂଲ୍ଯବୋଧ ଉପରେ ଶପଥପାଠ କରାଇଥିଲେ । ଏହାପରେ ଭାରତ ସମ୍ବିଧାନ ସହ ଜଡିତ ଥିବା ୫ ଉଲ୍ଲେଖନିୟ ବିଷୟ ସଂମ୍ପର୍କ ରେ ଆଲୋକପାତ କରିଥିଲେ ।
୧ . ଭାରତୀୟ ସମ୍ବିଧାନ ୨୬ ନଭେମ୍ବର ୧୯୪୯ ରେ ପ୍ରସ୍ତୁତ ହୋଇଥିଲା । ଯାହା ୨ ବର୍ଷ,୧୧ ମାସ ଏବଂ ୧୮ ଦିନରେ ପ୍ରସ୍ତୁତ ହୋଇଥିଲା । ସମ୍ବିଧାନକୁ ୪୪୮ ଅନୁଚ୍ଛେଦ ,୧୨ ଅନୁସୂଚୀ ଏବଂ ୨୫ ଭାଗରେ ବିଭାଜିତ କରାଯାଇଛି ।
୨ . ସମ୍ବିଧାନ ସଭାର ୨୮୪ ସଦସ୍ୟ ୨୪ ଜାନୁଆରୀ ୧୯୫୦କୁ ଦସ୍ତାବିଜ୍ ଉପରେ ହସ୍ତାକ୍ଷର କରିଥିଲେ ଏହାର ଦୁଇଦିନ ପରେ ଅର୍ଥାତ୍ ୨୬ ଜାନୁଆରୀ ୧୯୫୦ ତାରିଖରେ ଏହାକୁ ଲାଗୁ କରାଯାଇଥିଲା ।
୩ . ସମ୍ବିଧାନ ପୁସ୍ତକରେ କୌଣସି ଟାଇପିଙ୍ଗ୍ ଏବଂ ପ୍ରିଣ୍ଟିଙ୍ଗ୍ ର ବ୍ୟବହାର କରାଯାଇନାହିଁ ।
୪ . ୧୯୪୭ ଅଗଷ୍ଟ ୨୯ ତାରିଖରେ ଭାରତ ସମ୍ବିଧାନ ପୁସ୍ତକ ପ୍ରସ୍ତୁତ କରିଥିବା ସମିତିର ସ୍ଥାପନା କରାଯାଇଥିଲା ଏବଂ ଡା.ବି.ଆର୍.ଆମ୍ବେଦକରଙ୍କୁ ଏହାର ଅଧ୍ୟକ୍ଷ ରୁପେ ନିଯୁକ୍ତି ଦିଆଯାଇଥିଲା ।
୫ . ସମ୍ବିଧାନ ସଭାରେ ଆନୁମାନିକ ଖର୍ଚ୍ଚ ୧ କୋଟି ଟଙ୍କା ହୋଇଥିଲା ।
