ସଂଜୟ ଶତପଥୀ(କଟକ): ଭୁବନେଶ୍ୱର ଉପକଣ୍ଠ ବାଲିପାଟଣା ବ୍ଲକ ଅନ୍ତର୍ଗତ ଆମଣାକୁଦ,କୁଦପାଟଣାସ୍ଥିତ ପ୍ରସିଦ୍ଧ ଗ୍ରହରାଜ ଶନିଦେବଙ୍କ ପ୍ରଥମ ବାର୍ଷିକୋତ୍ସବ ମହାସମାରୋହରେ ପାଳିତ ହୋଇଯାଇଛି ।
ପ୍ରଥମ ଦିନ ଜଳଯାତ୍ରା, ଘଟ ଆନୟନ ଓ ମଣ୍ଡଳ କରଣ ଆଦି ସମାପନ ପରେ ସନ୍ଧ୍ୟାରେ ଘୋଡ଼ାନାଚ, ଗଣେଶ ଓ ଶନି ନୃତ୍ୟ ସମେତ ବିଶିଷ୍ଟ କଳାକାରଙ୍କ ଦ୍ଵାରା ଭଜନ ସନ୍ଧ୍ୟା ପରିବେଷଣ କରାଯାଇଥିଲାବେଳେ ଦେବ ସେନାପତିଙ୍କର ଭଜନ ଜଣାଣ ଉପସ୍ଥିତ ଦର୍ଶକଙ୍କୁ ବହୁ ଆକର୍ଷିତ କରିଥିଲା । ପ୍ରାପ୍ତଃରେ ସୂର୍ଯ୍ୟ ପୂଜାପରେ ଅଗ୍ନି ସ୍ଥାପନ କରାଯାଇ ଯଜ୍ଞ ଆରମ୍ବ ହୋଇଥଲା। ପରେ ଗ୍ରହଯୋଗ ସମାପନ ହୋଇଥିଲା । ସନ୍ଧ୍ୟାଆଳତି ପରେ ପୂର୍ଣ୍ଣାହୂତି ପଡ଼ିଥିଲା । ପଣ୍ଡିତ ପ୍ରସନ୍ନ ମିଶ୍ର, ପଣ୍ଡିତ ନୃସିଂହ ମିଶ୍ର ଓ ଅନ୍ୟାନ୍ୟ ପଣ୍ଡିତମାନେ ଯଜ୍ଞକାର୍ଯ୍ୟ ସମାପନ କରିଥିଲେ ।
ଏହି ଯଜ୍ଞ ଦେଖିବା ଏବଂ ପ୍ରଭୁଙ୍କ ପ୍ରାସାଦ ସେବନ କରିବା ପାଇଁ ସହ ଶହ ଶ୍ରଦ୍ଧାଳୁ ଭକ୍ତମାନେ ଉପସ୍ଥିତ ହୋଇ କାର୍ଯ୍ୟକ୍ରମକୁ ଉପଭୋଗକରିବା ସହ ଗ୍ରହରାଜଶନିଦେବଙ୍କ କୃପାଲାଭ କରିଥିଲେ । ଶଶାଙ୍କ ଶେଖର ନାୟକ, ଅଜୟ ସାହୁ, କୈଳାସ ଚନ୍ଦ୍ର ବେହେରା, ସିଦ୍ଧାର୍ଥ ସାହୁ , ସନାତନ ବେହେରା, ବିଭୂତିଭୂଷଣ ମହାପାତ୍ର , ଅକ୍ଷୟ ସାହୁ ପ୍ରମୁଖ ପରିଚାଳନରେ ସହଯୋଗ କରିଥିଲେ ।
