ବାସ୍ତବ ବ୍ୟୁରୋ: ତାଳଚେର କଣିହାଁ ଏନଟିପିସିରେ ଭୟାବହ ଅଗ୍ନିକାଣ୍ଡ । କୋଇଲାରେ ନିଆଁ ଲାଗିଥିବାରୁ ପୁରା ଅଂଚଳ ଧୂଆଁମୟ ହୋଇଯାଇଛି । ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଛି । ପ୍ରବଳ ଖରା ସାଙ୍ଗକୁ ଅଗ୍ନିକାଣ୍ଡ ଯୋଗୁଁ ସ୍ଥାନୀୟ ଅଞ୍ଚଳରେ ପ୍ରବଳ ଗରମ ଅନୁଭୂତ ହେଉଛି ।
ଆଜି ସକାଳ ପ୍ରାୟ ୮ଟା ୧୦ ମିନିଟ୍ ସମୟରେ କୋଇଲା ସ୍ଥାନାନ୍ତର ପଏଂଟ ୧୬ରେ ଅଗ୍ନିକାଣ୍ଡ ଘଟିଥିଲା । ସିଆଇଏସଏଫ ଦ୍ୱାରା ତୁରନ୍ତ ନିଆଁକୁ ନିୟନ୍ତ୍ରଣ କରିବା ପାଇଁ ପଦକ୍ଷେପ ନିଆଯାଇଥିଲା । ଫାୟାର ୱିଙ୍ଗ ଓ ଉଦ୍ଭିଦ ବିପର୍ଯ୍ୟୟ ଦଳ ନିଆଁକୁ ଆୟତ କରିଥିବା ସୂଚନା ଦେଇଛନ୍ତି କାରଖାନା କର୍ତୃପକ୍ଷ । କନଭେୟର ବେଲ୍ଟ ୧୧ ଏ ଓ ୧୫ ବି ସହିତ ୟୁନିଟ୍ ୨୧, ୟୁନିଟ୍ ୩ ମଧ୍ୟରେ ଅବସ୍ଥିତ ଟିପି ୧୬ରେ ନିଆଁ ଲାଗିବାରୁ କୌଣସି ଶ୍ରମିକଙ୍କ କ୍ଷୟକ୍ଷତି ହୋଇନାହିଁ । ନିଆଁ ଲିଭାଇବା ବେଳେ ଜଣେ ସିଆଇଏସଏଫ କର୍ମଚାରୀ ଆହତ ହୋଇଛନ୍ତି । ତେବେ ନିଆଁ ଲାଗିବାର କାରଣ ଓ ପ୍ଲାଂଟର କ୍ଷୟକ୍ଷତିର ଆକଳନ କରାଯାଇନାହିଁ । ଅନ୍ୟ ୟୁନିଟ୍ ଗୁଡିକ ସୁରକ୍ଷିତ ରହିଥିବା ବେଳେ ଖୁବ୍ଶୀଘର ନିଆଁ ଲାଗିଥିବା ୟୁନିଟ୍ର କ୍ଷୟକ୍ଷତି ଆକଳନ କରି ମରାମତି କରାଯିବ ।
