ସଂଜୟ ଶତପଥୀ(କଟକ): କଟକ ର ବହୁ ପୁରାତନ ଯୁବ ସଂଗଠନ ବନ୍ଧବାଶେଳୀ କ୍ଲବ ପକ୍ଷରୁ କ୍ଲବ ପରିସରରେ ଶ୍ରୀ ବୁଢା ଗଣେଶଙ୍କ ନିକଟରେ ପବିତ୍ର ଘାଣ୍ଟ ଭୋଗ ଲାଗି,କଟକିଆ ଙ୍କୁ ବଣ୍ଟନ କରାଯାଇଥିଲା।ଏହା କଟକ ର ଭାଇଚାରା କୁ ଅକ୍ଷୁର୍ଣ୍ଣ ରଖିବାକୁ ଏହି ସଂଗଠନ ର ପ୍ରୟାସ ବୋଲି କର୍ମକର୍ତ୍ତାମାନେ ପ୍ରକାଶ କରିଥିଲେ।
ଏହି କାର୍ଯ୍ୟକ୍ରମରେ କଟକ ସହରର ବରିଷ୍ଠ ମୂରବୀ ଶ୍ରୀ କବୀନ୍ଦ୍ର ସାହୁ, ଶ୍ରୀ ନିବାସ ମିଶ୍ର, ଶ୍ରୀ ବାବୁ ସିଂ, ଶ୍ରୀ କାଶୀନାଥ ମଲ୍ଲିକ, ହିନ୍ଦୁ ସେନା ର ରାଜ୍ୟ ସଭାପତି ଶ୍ରୀ ଦେବାଶିଷ ରାଉତ,ବରିଷ୍ଠ ସାମ୍ବାଦିକ ତଥା ସମ୍ବାଦପତ୍ର “ପୃଷ୍ଠଭୂମି”ର ସମ୍ପାଦକ ଶ୍ରୀ କୈଳାସ ଜେନା, ବିଶିଷ୍ଟ ଚଳଚ୍ଚିତ୍ର ଅଭିନେତା ଶ୍ରୀ ଶ୍ରୀତମ ଦାସ ଓ “ବାସ୍ତବ ପ୍ରାର୍ଥନା ଟିଭି” ର କଟକ ଜିଲ୍ଲା ପ୍ରତିନିଧି ଶ୍ରୀ ସଞ୍ଜୟ କୁମାର ଶତପଥୀ ଓ ବହୁ ବିଶିଷ୍ଟ ବ୍ୟକ୍ତି ଙ୍କୁ ଆଧ୍ୟାତ୍ମିକ ଚେତନାର ଦିଗଦର୍ଶକ ଭାବେ ଅନୁଷ୍ଠାନ ପକ୍ଷରୁ ଉତ୍ତରୀୟ ଓ ପୁଷ୍ପଗୁଛ ପ୍ରଦାନ କରାଯାଇ ସମ୍ବର୍ଦ୍ଧିତ କରାଯାଇଥିଲା।
ଏହି ବର୍ଣ୍ଣାଢ଼୍ୟ ସମାରୋହକୁ ଶ୍ରୀମଦ୍ଭାଗବଦ୍ ପୁନରୁଦ୍ଧାର କମିଟି ର ସମ୍ପାଦକ ପଣ୍ଡିତ ଶ୍ରୀ ଗୋପାଳ ଚନ୍ଦ୍ର ମିଶ୍ର ପରିଚାଳନା କରିଥୂଲେ। ଏହି କାର୍ଯ୍ୟକ୍ରମରେ ବନ୍ଧବାଶେଳୀ କ୍ଲବ ର ସମସ୍ତ କର୍ମକର୍ତ୍ତା ଓ ସଦସ୍ୟମାନଙ୍କର ଭୂମିକା ଅଭିନନ୍ଦନୀୟ ବୋଲି ଆମନ୍ତ୍ରିତ ଅତିଥି ମାନେ ମତପ୍ରକାଶ କରିବା ସହ କ୍ଲବ ର ଉତ୍ତରୋତ୍ତର ଉନ୍ନତି କାମନା କରିଥିଲେ।
