ହାଇକୋର୍ଟ ସମେତ ସମସ୍ତ ଆଇନ ଅଦାଲତ ମାନଙ୍କରେ ଖୁବଶୀଘ୍ର ସରକାରୀ ଓକିଲ ନିଯୁକ୍ତି ହବାପାଇଁ ପ୍ରକ୍ରିୟା ଆରମ୍ଭ ହୋଇଛି ବୋଲି କହିଛନ୍ତି, ରାଜ୍ୟ ବିଜେପି ସଭାପତି ମନମୋହନ ସାମଲ ।
ଗୁରୁବାର ହାଇକୋର୍ଟ ବାର୍ ସମେତ କ୍ୟାଟ୍ ବାର୍ ଆସୋସିଏସନକୁ ଏକ ସୌଜନ୍ୟମୂଳକ ଗସ୍ତରେ ଆସିଥିଲେ ମନମୋହନ ସାମଲ।ଏହି ସମୟରେ ହାଇକୋର୍ଟ ବାର୍ ତରଫରୁ ବିଜେପି ସଭାପତିଙ୍କୁ ଏକ ସ୍ମାରକ ପତ୍ର ପ୍ରଦାନ କରାଯାଇଛି ।ଆଇନଜୀବୀ କଲ୍ୟାଣ ପାଣ୍ଠି ପାଇଁ ମ୍ୟାଚିଂ ଗ୍ରାଣ୍ଟ ବୃଦ୍ଧି କରାଇବା ଭଳି କେତେକ ଦାବିକୁ ଉପସ୍ଥାପନ କରିଛନ୍ତି ବିଭିନ୍ନ ଓକିଲ ସଙ୍ଘ । ତେବେ ସେ ବାବଦରେ ଖୁବ୍ଶୀଘ୍ର ନିଷ୍ପତ୍ତି ନିଆଯିବ ବୋଲି ମନମୋହନ ସାମଲ କହିଛନ୍ତି। 
