ବରଗଡ଼୯/୧୧(ନବୀନ କୁମାର ଦାଶ):ବରଗଡ ଜିଲ୍ଲା ଭେଡେନ ବ୍ଲକ ଅନ୍ତର୍ଗତ ପପଙ୍ଗା ପଞ୍ଚାୟତ ର ବଡ଼ ପିପିଲିପାଲି “ଆନନ୍ଦ ସେବା ସଦନ” ବୃଦ୍ଧାଶ୍ରମ ଠାରେ ଗୋଷ୍ଟାଷ୍ଟମୀ ଉପଲକ୍ଷେ ଏକ ଦିବସୀୟ ନାମଯଜ୍ଞ ଓ ସ୍ଵେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇ ଯାଇଛି।
ଏଥିରେ କର୍ତ୍ତା ଭାବରେ ପ୍ରଫୁଲ୍ଲ କୁମାର ମହାପାତ୍ର ଓ ଧର୍ମପତ୍ନୀ ଅନୀତା ମହାପାତ୍ର ଦାଇତ୍ବ ତୁଲାଇ ଥିବାବେଳେ ପରିଚାଳନା ଦାୟିତ୍ୱରେ ଆନନ୍ଦ ସେବା ସଦନ ଅନାଥାଶ୍ରମର ମୁଖ୍ୟ ଆନନ୍ଦ ସେଟ ରହିଥିଲେ।ଲୁପୁରସିଂହା ଓ କର୍ଲା ବାହାଲି ସଙ୍କୀର୍ତ୍ତନ୍ୟ ଦେଖିବାକୁ ଆଖପାଖ ଅଞ୍ଚଳର ଶହଶହ ଶ୍ରଦ୍ଧାଳୁ ଭକ୍ତମାନେ ଯୋଗ ଦେଇଥିଲେ।ଏହି ଅବସରରେ ଆନନ୍ଦ ସେବାଶ୍ରମ ପ୍ରଥମ ଥର ପାଇଁ ସ୍ଵେଚ୍ଛାକୃତ ରକ୍ତଦାନ ଶିବିର ଆୟୋଜନ କରାଯାଇଥିଲା।କାର୍ଯ୍ୟକ୍ରମ କୁ ବରଗଡ ବ୍ଲଡ୍ ବ୍ୟାଙ୍କ ତରଫରୁ ରକ୍ତଭଣ୍ଡାର ଅମରଜିତ ମହାନ୍ତି, ରୋହିତ କଲେତ,ରାଜେଶ ରଣା, କୃଷ୍ନ ସାହୁ ଙ୍କ ଦ୍ଵାରା ୧୪ ୟୁନିଟ୍ ରକ୍ତ ସଂଗୃହୀତ ହୋଇଥିଲା।
ଏହି ସମୟ ରେ ସେବା ପରିବାର,ମାହେଶ୍ଵରୀ ସେନା ଓ ଅମୃତ କୁଟୁମ୍ ର ସଦସ୍ୟ ମାନେ ରକ୍ତଦାତା ମାନଙ୍କୁ ଉତ୍ସାହିତ କରି ପରିଚାଳନା ରେ ସହଯୋଗ କରିଥିଲେ।ଆନନ୍ଦ ସେବାଶ୍ରମ ଗୋଷ୍ଠାଷ୍ଠମୀ ଉପଲକ୍ଷେ ବରଗଡ ର ସୁଦାମ ମହାରଣା ଅନ୍ତେବାସୀ ମାନଙ୍କୁ ୨୫ ଖଣ୍ଡ ଶୀତବସ୍ତ୍ର ପ୍ରଦାନ କରି ବୃଦ୍ଧ,ବୃଦ୍ଧାଙ୍କ ଆଶୀର୍ବାଦ ଭିକ୍ଷା କରିଥିଲେ।ସମସ୍ତ ଶ୍ରଦ୍ଧାଳୁ ଭକ୍ତ ମାନଙ୍କ ପାଇଁ ପ୍ରସାଦ ସେବନର ବ୍ୟବସ୍ଥା କରାଯାଇଥିଲା।
