ବରଗଡ଼-୧୩/୧୨(ନବୀନ କୁମାର ଦାଶ):ବରଗଡ଼-ସମ୍ବଲପୁର ରେଲ ୱେ ଲାଇନ ଅତାବିରା ଥାନା ଅନ୍ତର୍ଗତ ଦେବାହାଲ ନିକଟ ୮କେସ୍ ନଂ ୬୦୧/ ୨୩/୨୫, ପାଖରେ ପାଖାପାଖି ୫ଫୁଟ ୧ଇଞ୍ଚ ଉଚ୍ଚତା ଗୌରବର୍ଣ୍ଣ ୨୫ ରୁ ୩୦ ବର୍ଷ ବୟସ ର ଏକ ଅଜଣା ଯୁବକ ର ମୃତ ଦେହ ଟ୍ରେନ ରେ କଟି ରକ୍ତ ଜୁଡୁବୁଡୁ ଅବସ୍ଥାରେ ପଡ଼ି ରହିଥିଲା।ଏହି ଖବର ପାଇ ସମ୍ବଲପୁର ରେଲୱେ ପୋଲିସ ଏ ଏସ ଆଇ ଜୋସ୍ନା ରାଣୀ ମହାନ୍ତି ସଦଲବଳେ ଘଟଣା ସ୍ଥଳକୁ ପହଞ୍ଚି ଆଖପାଖ ଅଞ୍ଚଳରେ ପଚରା ଉଚୁରା କରିଥିଲେ ହେଁ ଯୁବକଙ୍କ ପରିଚୟ ମିଳି ନଥିବା ଯୋଗୁଁ ମୃତ ଯୁବକକୁ ବୁର୍ଲା ଡାକ୍ତରଖାନା କୁ ପଠାଇ ବ୍ୟବଚ୍ଛେଦ କରାଯାଇଥିଲା ଏବଂ ବ୍ୟବଚ୍ଛେଦ ପରେ ତାକୁ ଚିହ୍ନଟ ପାଇଁ ଚାରିଦିନ ପର୍ଯ୍ୟନ୍ତ ରଖାଯାଇଥିବା ର ସୂଚନା ମିଳିଛି।ହେଲେ ଯୁବକଟି ଆତ୍ମହତ୍ୟା କରିଛି ନାଁ କେଉଁ କାରଣ ରୁ ଘଟଣା ଘଟିଛି ତାହା ଏଯାବତ ସ୍ୱଷ୍ଟ ହୋଇପାରି ନାହିଁ।ସେନେଇ ରେଲ ୱେ ପୋଲିସ ପକ୍ଷରୁ ତଦନ୍ତ ଜାରି ରହିଛି।
