ବରଗଡ଼୧୪/୧୨(ନବୀନ କୁମାର ଦାଶ):ବରଗଡ଼ ଜିଲ୍ଲା ଅତାବିରା ଏନ ଏସି ଅନ୍ତର୍ଗତ ଶ୍ରୀରାମ ବାବା ମଠ ଶ୍ରୀ ମହନ୍ତ ସ୍ୱାମୀ ସନ୍ଥ ଗିରି ଙ୍କ ତତ୍ୱାବଧାନ ରେ ତ୍ରିଦିନାତ୍ମକ ପଞ୍ଚକୁଣ୍ଡିୟ ବିଶ୍ୱଶାନ୍ତି ମହାଯଜ୍ଞ ଓ ଶ୍ରୀ ରାମେଶ୍ୱର ଶିବଲିଙ୍ଗ ପ୍ରତିଷ୍ଠା ମହୋତ୍ସବ ମହା ସମାରୋହରେ ଆରମ୍ଭ ହୋଇ ଯାଇଛି।
ଏହି ଅବସରରେ ପଣ୍ଡିତ ଆଦିତ୍ୟ ମିଶ୍ର ଓ ତାଙ୍କ ସାଥି ମାନେ ପୁଜା କାର୍ଯ୍ୟ ପାଇଁ ବ୍ରହ୍ମା ବରଣ ହୋଇଥିବା ବେଳେ ମୁଖ୍ୟ କର୍ତ୍ତା ବିଭୁତି ଭୂଷଣ ଖମାରୀ ଧର୍ମପତ୍ନୀ ଚିନ୍ମୟୀ ଖମାରୀ ଙ୍କ ସମେତ ସପତ୍ନୀକ ୧୬ଯୋଡି ଗୋବିନ୍ଦ ଖମାରୀ,ଝସକେତନ ସାହୁ, ବଦ୍ରିନାଥ ମିଶ୍ର,ମୁନସି ସାହୁ,ପ୍ରେମରାଜ ପ୍ରଧାନ,ଭେଙ୍କେଟ ରାଇଡୁ,କମଳା କାନ୍ତ ଭୋଇ,ସୁଧୀର ବାରିକ,ରୁଦ୍ର ନାରାୟଣ ଖାମାରୀ,କ୍ଷୀରୋଦ ସୋନି,ସୁରେଶ ଗଡ଼ତିଆ,ନରେନ୍ଦ୍ର ପ୍ରଧାନ,ପୁଷ୍ପଚନ୍ଦ୍ର ନାଏକ,ଗଜାନନ ପ୍ରଧାନ,ନଟବର ଲାଲ ଅଗ୍ରୱାଲ ଦାୟିତ୍ୱ ନିର୍ବାହ କରୁଛନ୍ତି।
ସର୍ବ ପ୍ରଥମେ ୧୩ ତାରିଖ ଦିନ ଅତାବିରା ପାର୍ବତୀ ମନ୍ଦିର ପୋଖରୀ ତୁଠ ରେ ସୁବିଜ୍ଞ ପଣ୍ଡିତ ମାନଙ୍କ ଦ୍ୱାରା ମନ୍ତ୍ର ପାଠ,ପୂଜାର୍ଚ୍ଚନା ପୂର୍ବକ ଜଳ ପୂର୍ଣ୍ଣ କଳସ ମୁଣ୍ଡାଇ ଶ୍ରୀ ରାମ ବାବା ମଠ ଯଜ୍ଞ ମଣ୍ଡପ ସମୀପରେ ସ୍ଥାପନ କରି ଦେବତା ଆବାହନ,ଅଗ୍ନି ସ୍ଥାପନ ଓ ଯଜ୍ଞାରମ୍ଭ,ବିଷ୍ଣୁ ସହସ୍ର ନାମ ହୋମ ହୋଇଥିଲା।୧୪ତାରିଖ ପୂଜାବିଧି ପୁର୍ବକ ଶ୍ରୀ ରାମେଶ୍ୱର ଶିବଲିଙ୍ଗ ବିଗ୍ରହ ଙ୍କ ମହା ସ୍ନାନ,ରୁଦ୍ରାଭିଷେକ,ଶ୍ରୀଙ୍ଗାର ଓ ମହା ମୃତ୍ୟୁଞ୍ଜୟ ହୋମ,ଆରତୀ ପୁଷ୍ପାଞ୍ଜଳି ହୋଇଥିଲା।
ପ୍ରତିଷ୍ଠା ମହୋତ୍ସବ ରେ ନିମନ୍ତ୍ରିତ ହୋଇଥିବା ନୂଆପଡା ଆଶ୍ରମ ରୁ ସ୍ୱାମୀ ବ୍ରତାନନ୍ଦ ସରସ୍ୱତୀ,କଳାହାଣ୍ଡି ରୁ ସ୍ୱାମୀ ମାଧବାନନ୍ଦ ଗିରି,ସ୍ୱାମୀ ରାମ ଦାସ,ଝାଡ଼ଖଣ୍ଡ ରୁ ସ୍ୱାମୀ ଜୟ ରାମାନନ୍ଦ ଗିରି,ଗଜପତି ରୁ ସ୍ୱାମୀ ନକୁଲାନନ୍ଦ ପୁରୀ,ବରଗଡ଼ ରୁ ସ୍ୱାମୀ ନାରଦାନନ୍ଦ ସରସ୍ବତୀ,ସ୍ୱାମୀ ତନ୍ମୟାନନ୍ଦ,ସ୍ୱାମୀ ଲିଙ୍ଗରାଜ ଦାସ,ଢେଙ୍କାନାଲ ରୁ ସ୍ୱାମୀ ଖଦଲ ବାନପ୍ରସ୍ତି ଓ ଗଂଜ୍ଜାମ ରୁ ସ୍ୱାମୀ ଧୁଳିଆ ଦାସ ଉପସ୍ଥିତିରେ ସମସ୍ତଙ୍କୁ ଆଶୀର୍ବାଦ ପ୍ରଦାନ କରିଥିଲେ।
ଆସନ୍ତା କାଲି ୧୫ତାରିଖ ଦିନ ବିଧି ପୁର୍ବକ ଯଜ୍ଞାରମ୍ଭ,ଗୀତା ହୋମ ସହ ଅପରାହ୍ନ ରେ ଆରତୀ,ପୁଷ୍ପାଞ୍ଜଳି ସହ ପୂର୍ଣ୍ଣାହୁତି ହେବ।ଏଥିରେ ହଜାର ହଜାର ଶ୍ରଦ୍ଧାଳୁ ଭକ୍ତ ମାନଙ୍କର ସମାଗମ ରେ ସମସ୍ତଙ୍କ ପାଇଁ ଅନ୍ନ ପ୍ରସାଦ ର ବ୍ୟବସ୍ଥା ରହିଥିବା ବେଳେ ପ୍ରତ୍ୟହ ଅପରାହ୍ନ ରେ ଆରତୀ, ପୁଷ୍ପାଞ୍ଜଳି ସହ ସନ୍ଧ୍ୟାରେ ଭଜନ ପ୍ରବଚନ ମଧ୍ୟ ରହିଛି।
