ସଂଜୟ ଶତପଥୀ(କଟକ): କଟକର ବାଣୀ ପୀଠ ଶ୍ରୀରାମଚନ୍ଦ୍ର ଭବନ ଠାରେ ଓଡ଼ିଶା ର ବିଶିଷ୍ଟ ଓଡିଆ ଅନୁଷ୍ଠାନ ନିହାରୀକା ସ୍ମୃତି ନ୍ୟାସ,ଝାଞ୍ଜିରୀମଙ୍ଗଳା ପକ୍ଷରୁ ଓଡ଼ିଆ ଭାଷାର ଶ୍ରେଷ୍ଠ ପୃଫ୍-ସଂଶୋଧକ ଙ୍କୁ ପୁରସ୍କାର ଓ ସମ୍ବର୍ଦ୍ଧନା ଉତ୍ସବ ମହାସମାରୋହରେ ବିଶିଷ୍ଟ ଅତିଥିମାନଙ୍କ ଉପସ୍ଥିତିରେ ଡଃ ସଙ୍କର୍ଷଣ ମିଶ୍ର ଙ୍କ ସଭାପତିତ୍ବରେ ମହାସମାରୋହରେ ଅନୁଷ୍ଠିତ ହୋଇଯାଇଛି।
ଏହି ସମାରୋହରେ ମୂଖ୍ୟ ଅତିଥି ଭାବେ ଓଡ଼ିଶା ହାଇକୋର୍ଟ ର ପ୍ରାକ୍ତନ ବିଚାରପତି ଜଷ୍ଟିସ ଡଃ ମଦନମୋହନ ଦାସ ଓ ମୂଖ୍ୟ ବକ୍ତା ଭାବେ ଉତ୍କଳ ବିଶ୍ୱବିଦ୍ୟାଳୟ ର ସ୍ନାତକୋତ୍ତର ଇଂରାଜୀ ବିଭାଗ ର ପ୍ରାକ୍ତନ ମୂଖ୍ୟ ତଥା ପ୍ରଫେସର ଡ଼ଃ ଯତୀନ୍ଦ୍ର କୁମାର ନାୟକ ଯୋଗଦେଇ ଥୂଲେ। କାର୍ଯ୍ୟକ୍ରମ ର ପ୍ରାରମ୍ଭରେ ନ୍ୟାସ ର ବରିଷ୍ଠ ସଦସ୍ୟ ଡଃ ପବିତ୍ର କୁମାର ରଥ ଆମନ୍ତ୍ରିତ ଅତିଥିମାନଙ୍କୁ ମଞ୍ଚକୁ ନିମନ୍ତ୍ରଣ କରିଥିଲେ।ପରେ ପରେ ପ୍ରଦୀପ ପ୍ରଜ୍ବଳନ ସହ ବନ୍ଦେ ଉତ୍କଳଜନନୀ ଗାନ ଓ ଶ୍ରୀ କୃଷ୍ଣପ୍ରସାଦ ମହାନ୍ତି ଙ୍କ ଦ୍ଵାରା ଅତିଥିମାନଙ୍କୁ ପୁଷ୍ପଗୁଛ ପ୍ରଦାନ କରାଯାଇ ସ୍ବାଗତ କରାଯାଇଥିଲା।
ଅଧ୍ୟାପକ ବିଜୟ କୁମାର ନାୟକ ଅତିଥି ପରିଚୟ ପ୍ରଦାନ ଓ ବିଷୟରେ ଡଃ ନାରାୟଣ ମହାନ୍ତି ସ୍ବାଗତ ଭାଷଣ ସହ କାର୍ଯ୍ୟକ୍ରମ ବିଷୟରେ ସମ୍ୟକ୍ ସୂଚନା ଦେଇଥିଲେ। ଓଡ଼ିଆ ଭାଷାକୁ ଋଦ୍ଧିମନ୍ତ ଓ ଶୁଦ୍ଧ କରିବା ରେ ମୂଖ୍ୟ କର୍ଣ୍ଣଧାର ସାଜିଥୂବା ବରିଷ୍ଠ ପ୍ରୁଫ୍-ସଂଶୋଧକ ସ୍ବର୍ଗତା ଶୈଳବାଳା ମହାପାତ୍ର ଓ ଡଃ ଶମ୍ଭୁଦୟାଲ ଅଗ୍ରୱାଲ ଙ୍କୁ ଓଡ଼ିଆ ଭାଷାର ଶ୍ରେଷ୍ଠ ପୃଫ୍-ସଂଶୋଧକ ଭାବେ ନ୍ଯାସ ପକ୍ଷରୁ ଅତିଥିମାନଙ୍କ ଦ୍ବାରା ପୁରସ୍କୃତ ଓ ସମ୍ୱର୍ଦ୍ଧିତ କରାଯାଇଥିଲା। ଏହି ପରିପ୍ରେକ୍ଷୀରେ ଶ୍ରୀ ଦୀପକ କୁମାର ମହାନ୍ତ ସମ୍ବର୍ଦ୍ଧିତ ପ୍ରତିଭାମାନଙ୍କ ବିଷୟରେ ସମ୍ୟକ୍ ସୂଚନା ଦେଇଥିଲେ।
ଆମନ୍ତ୍ରିତ ମୂଖ୍ୟ ଅତିଥି ଜଷ୍ଟିସ ଡଃ ମଦନମୋହନ ଦାସ ଓ ମୂଖ୍ୟ ବକ୍ତା ଡଃ ଯତୀନ୍ଦ୍ର କୁମାର ନାୟକ ନିଜ ନିଜର ବକ୍ତବ୍ୟ ରେ ଓଡ଼ିଶା ଭାଷା ର ମହନୀୟତା ଓ ନିର୍ଭୁଲ ସଂଶୋଧନ କରି ଓଡ଼ିଶାକୁ ଗର୍ବାନ୍ବିତ କରିଥିବା ପ୍ରୁଫ୍-ସଂଶୋଧକ ଙ୍କୁ ଏହି ଜାତି ସଦାସର୍ବଦା ମନେରଖୂବ ଏବଂ ସବୁ ଓଡ଼ିଆ ସେଥିପାଇଁ ଗର୍ବିତ। ପ୍ରାଧ୍ୟାପକ ତୁଷାର କାନ୍ତ ପଟ୍ଟନାୟକ ଧନ୍ୟବାଦ ଅର୍ପଣ କରିବା ସହ ସଭା ସାଙ୍ଗ ର ଘୋଷଣା କରିଥିଲେ। ଏହି ସମାରୋହରେ ବହୁ ସାହିତ୍ୟକ, ସମାଜସେବୀ ଓ ବରିଷ୍ଠ ନାଗରିକମାନେ ଉପସ୍ଥିତ ଥିଲେ।
