ବରଗଡ଼-୧୬/୧୨(ନବୀନ କୁମାର ଦାଶ):ବରଗଡ଼ ଜିଲ୍ଲା ଅତାବିରା ବ୍ଲକ ଅନ୍ତର୍ଗତ ସର୍ବ ପୁରାତନ ଅଗ୍ରଣୀ ଶିକ୍ଷା ଅନୁଷ୍ଠାନ ଲରମ୍ଭା ଉଚ୍ଚ ବିଦ୍ୟାଳୟ ୧୯୯୦ମାଟ୍ରିକ ବ୍ୟାଚ ର ବନ୍ଧୁ ମିଳନ ସମାରୋହ ଧୁମଧାମରେ ପାଳିତ ହୋଇଯାଇଛି।ଏହି ଅବସରରେ ପ୍ରତିବର୍ଷ ଭଳି ଚଳିତ ବର୍ଷ ଗୁରୁ ଶିଷ୍ୟ ପରମ୍ପରା କୁ ବଜାୟ ରଖି ପାରମ୍ପରିକ ରୀତିନୀତି ରେ ଛାତ୍ରଛାତ୍ରୀ ମାନେ ଗୁରୁ ମାନଙ୍କ ପାଦ ଧୌତ ପୁର୍ବକ ଫୁଲ,ଚନ୍ଦନ ଓ ଉପ ଢୌକନ ଦେଇ ସ୍ୱାଗତ ସମ୍ବର୍ଦ୍ଧନା କରାଯାଇଥିଲା।
ଗୁରୁ ମାନଙ୍କ ମଧ୍ୟରେ ଭାରତସରାପ,ଦିଲ୍ଲୀପ କୁମାର ସାହୁ କୈଳାଶ ଚନ୍ଦ୍ର ଦାସ,ଗଗନ ବିହାରୀ ଚିର୍ଗୁନ,ଶିକ୍ଷା କର୍ମୀ ତ୍ରିନାଥ ମହାକୁର ଓ ରଞ୍ଜିତ ବେହେରା ନିମନ୍ତ୍ରିତ ହୋଇଥିବା ବେଳେ ୧୯୯୦ ସମୟର ସ୍ମୃତି ଚାରଣ କରି ଛାତ୍ରଛାତ୍ରୀ ଓ ଗୁରୁଜୀ ମାନଙ୍କ ମଧ୍ୟରେ ଭାବ ବିନିମୟ ହେବା ସହ ଗୁରୁ ମାନଙ୍କ ଠାରୁ ଆଶୀର୍ବାଦ ଭିକ୍ଷା କରି ଥିଲେ।ଛାତ୍ରଛାତ୍ରୀ ମାନେ ନିଜ ନିଜ ବିଦ୍ୟାଳୟ ସମୟର ଅନୁଭୂତି ପ୍ରକାଶ କରିଥିଲେ।ଛାତ୍ରୀ ଗାୟତ୍ରୀ କମ୍ପ ଓ ଛାତ୍ର ଶକ୍ତିଦେବ ମିଶ୍ର ସଭା ପରିଚାଳନା କରି ଥିବାବେଳେ ଗୁରୁ ମାନେ ଛାତ୍ରଛାତ୍ରୀ ମାନଙ୍କ ମଙ୍ଗଳ କାମନା କରି ସୁଭାଶିର୍ବାଦ ପ୍ରଦାନ କରିଥିଲେ।ଏଥିରେ ୨୦୨୫ ମସିହା ବନ୍ଧୁମିଳନ ପାଇଁ ପ୍ରସ୍ତାବ ଗୃହୀତ ହେବା ସହ ଏହି ଦିନ ର ସ୍ମୃତି ଚାରଣ ନିମନ୍ତେ ଛାତଛାତ୍ରୀ ଓ ଗୁରୁ ମାନଙ୍କୁ ନେଇ ଏକ ଗ୍ରୁପ ଫଟୋ ଉତ୍ତୋଳନ କରାଯାଇଥିଲା।
