ବାସ୍ତବ ବ୍ୟୁରୋ: ଦେଶର ସର୍ବୋଚ୍ଚ ନାଗରିକ ସମ୍ମାନ ‘ପଦ୍ମ’ ପୁରସ୍କାର ଶନିବାର ସନ୍ଧ୍ୟାରେ ଘୋଷଣା ହୋଇଛି । ପଦ୍ମ ପୁରସ୍କାର ପାଇଁ ଓଡ଼ିଶାରୁ ୪ଜଣ ପ୍ରତିଷ୍ଠିତ ବ୍ୟକ୍ତିଙ୍କୁ ମନୋନୀତ କରାଯାଇଛି । ଚଳିତବର୍ଷ ଓଡ଼ିଶୀରେ ନୃତ୍ୟଗୁରୁ ଦୁର୍ଗାଚରଣ ରଣବୀର, ଢେଙ୍କାନାଳର ସ୍ଥପତି ଆଦିତ୍ୟ ଗଡ଼ନାୟକ, ମେଡିସିନ୍ କ୍ଷେତ୍ରରେ ପ୍ରତିଷ୍ଠିତ ଡାକ୍ତର ଅଶୋକ କୁମାର ମହାପାତ୍ର ଓ ବିଶିଷ୍ଟ ସାହିତ୍ୟିକ ପ୍ରତିଭା ଶତପଥୀଙ୍କୁ ଏହି ସମ୍ମାନଜନକ ପୁରସ୍କାର ପାଇବାକୁ ମନୋନୀତ କରାଯାଇଛି। ରାଷ୍ଟ୍ରପତି ଆସନ୍ତା ମାର୍ଚ୍ଚ କିମ୍ବା ଏପ୍ରିଲ ମାସରେ ଏହି ପଦ୍ମ ବିଜେତାଙ୍କୁ ରାଷ୍ଟ୍ରପତି ଭବନରେ ଆୟୋଜିତ ସ୍ୱତନ୍ତ୍ର ସମାରୋହରେ ସମ୍ବର୍ଦ୍ଧିତ କରିବାର କାର୍ଯ୍ୟକ୍ରମ ରହିଛି ।
ଓଡ଼ିଶୀ ନୃତ୍ୟଗୁରୁ ଦୁର୍ଗାଚରଣ ରଣବୀରଙ୍କ ନୃତ୍ୟ ଶିକ୍ଷା ପ୍ରଦାନରେ ୨୫ରୁ ଅଧିକ ବର୍ଷର ଅଭିଜ୍ଞତା ରହିଛି । ସେ ଦିଲ୍ଲୀ ବିଶ୍ୱବିଦ୍ୟାଳୟର ସାଂସ୍କୃତିକ ପରିଷଦର ଭିଜିଟିଂ ପ୍ରଫେସର ମଧ୍ୟ ଥିଲେ । ଉତ୍କଳ ସଙ୍ଗୀତ ମହାବିଦ୍ୟାଳୟ, ସଙ୍ଗୀତ ନିକେତନ, ଲଳିତ କଳା ପୀଠ ସମେତ କୋଲକାତାର ଶତାବ୍ଦୀ ନୃତ୍ୟୟନା ଓ ନ୍ୟୁୟର୍କର ଲୋଟସ ଆର୍ଟରେ ସେ ନୃତ୍ୟଗୁରୁ ଭାବେ କାର୍ଯ୍ୟ କରିଚନ୍ତି । ସେ ନିଜର ଗୋଟିଏ ଓଡ଼ିଶୀ ନୃତ୍ୟ ଅନୁଷ୍ଠାନ ‘ନୃତ୍ୟାୟନ’ ଭୁବନେଶ୍ୱରରେ ସ୍ଥାପନ କରିଛନ୍ତି ।
ସ୍ଥପତି ଆଦିତ୍ୟ ଗଡ଼ନାୟକଙ୍କୁ ‘କଳା’ କ୍ଷେତ୍ରରେ ପଦ୍ମଶ୍ରୀ ପୁରସ୍କାର ପାଇଁ ମନୋନୀତ କରାଯାଇଛି । ୬୨ବର୍ଷୀୟ ଶ୍ରୀ ଗଡ଼ନାୟକ ଏବେ କିଟ୍ ବିଶ୍ୱବିଦ୍ୟାଳୟର ସ୍ଥପତି ସ୍କୁଲର ମୁଖ୍ୟ ଭାବେ କାର୍ଯ୍ୟରତ ଅଛନ୍ତି । ଶ୍ରୀ ଗଡ଼ନାୟକ ନୂଆଦିଲ୍ଲୀର ରାଜଘାଟଠାରେ ମହାତ୍ମା ଗାନ୍ଧିଙ୍କ ମୂର୍ତ୍ତି ସ୍ଥାପନ ଓ ନ୍ୟାସନାଲ ପୁଲିସ ମେମୋରିଆଲରେ ସେଂଟ୍ରାଲ ମେମୋରିଆଲ ଷ୍ଟ୍ରକଚର ସ୍ଥାପନ ଓ ନ୍ୟାସନାଲ ୱାର ମୋମେରିଆଲ କମ୍ପେ୍ଲକ୍ସରେ ସୁଭାଷ ଚନ୍ଦ୍ର ବୋଷଙ୍କ ମୂର୍ତ୍ତି ସ୍ଥାପନରେ ଉଲ୍ଲେଖନୀୟ ଭୂମିକା ତୁଲାଇଥିଲେ ।
ଭୁବନେଶ୍ୱର ଏମସର ଅବସରପ୍ରାପ୍ତ ନିର୍ଦ୍ଦେଶକ ତଥା ଦେଶର ପ୍ରତିଷ୍ଠିତ ନ୍ୟୁରୋସର୍ଜନ ଭାବେ ପରିଚିତ ଡାକ୍ତର ଅଶୋକ କୁମାର ମହାପାତ୍ରଙ୍କୁ ପଦ୍ମଶ୍ରୀ ପୁରସ୍କାର ପାଇଁ ମନୋନୀତ କରାଯାଇଛି । ଡାକ୍ତର ମହାପାତ୍ର ଏମସରେ ପ୍ରାୟ ୪୨ବର୍ଷ ଚାକିରି ଜୀବନ ବିତାଇବା ପରେ ଏବେ ସୋଆ ବିଶ୍ୱବିଦ୍ୟାଳୟର କୁଳପତି ଭାବେ କାର୍ଯ୍ୟରତ ଅଛନ୍ତି । ଡାକ୍ତର ମହାପାତ୍ର ୧୬ଟି ପୁସ୍ତକ ସମେତ ୮୭୦ଟି ଗବେଷଣାତ୍ମକ ପେପର ପ୍ରକାଶିତ କରିଛନ୍ତି ।
କେନ୍ଦ୍ର ସାହିତ୍ୟ ଏକାଡେମୀ ସମ୍ମାନ ପାଇଥିବା ୮୦ବର୍ଷୀୟା ପ୍ରତିଭା ଶତପଥୀ ଓଡ଼ିଶାର ଜଣେ ପ୍ରତିଷ୍ଠିତ କବି ଓ ସାହିତ୍ୟିକା ଭାବେ ପରିଚିତ । ତାଙ୍କ ଦ୍ୱାରା ରଚିତ ଅନେକ କବିତା ପୁସ୍ତକର ହିନ୍ଦି ଅନୁବାଦ ମଧ୍ୟ ହୋଇ ପାଠକୀୟ ଆଦୃତି ଲାଭ କରିଛି । ଆମ କବିତା, ଅଧା ଅଧା ନକ୍ଷତ୍ର, ତନ୍ମୟ ଧୂଳି,କହି ନହେଲେ ଆଦି କବିତା ପୁସ୍ତକ ପାଇଁ ସେ କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର, ରାଜ୍ୟ ସାହିତ୍ୟ ଏକାଡେମୀ, ଶାରଳା ପୁରସ୍କାର ମଧ୍ୟ ପାଇଛନ୍ତି।
ସୂଚନାଯୋଗ୍ୟ, ଚଳିତବର୍ଷ ପଦ୍ମ ପୁରସ୍କାର ପାଇଁ ରାଷ୍ଟ୍ରପତି ମୋଟ ୧୩୯ଜଣଙ୍କ ନାଁ ଅନୁମୋଦନ କରିଛନ୍ତି । ଏଥିରେ ୭ଜଣଙ୍କୁ ପଦ୍ମବିଭୂଷଣ, ୧୯ଜଣଙ୍କୁ ପଦ୍ମଭୂଷଣ ଓ ୧୧୩ଜଣଙ୍କୁ ପଦ୍ମଶ୍ରୀ ପୁରସ୍କାରରେ ସମ୍ମାନିତ କରାଯିବ । ୨୩ଜଣ ମହିଳା ଥିବାବେଳେ ୧୦ଜଣ ପ୍ରବାସୀ ଭାରତୀୟ ଓ ୧୩ଜଣଙ୍କୁ ମରଣୋତ୍ତର ଭାବେ ଏହି ସମ୍ମାନ ମିଳିବ ବୋଲି ଜଣାପଡ଼ିଛି ।
ଏହି ତାଲିକାରେ କୁଏତର ଯୋଗ ପ୍ରଶିକ୍ଷକ ସାଇଖା ଏଜେ ଅଲ ସବା, ଆପଲ ସମ୍ରାଟ ହାରିମାନ ଏବଂ ବ୍ରାଜିଲର ବେଦାନ୍ତ ଗୁରୁ ଜୋନାସ ମାସେଟିଙ୍କ ସମେତ ଅନେକ ଅଜଣା ଏବଂ ଅନନ୍ୟ ପଦ୍ମ ପୁରସ୍କାର ବିଜେତା ରହିଛନ୍ତି।
ଗର୍ଭାଶୟ କର୍କଟ ରୋଗ ଚିହ୍ନଟ, ନିରାକରଣ ଏବଂ ପରିଚାଳନାରେ ବିଶେଷଜ୍ଞ ଦିଲ୍ଲୀର ସ୍ତ୍ରୀ ରୋଗ ବିଶେଷଜ୍ଞ ଡାକ୍ତର ନୀରଜା ଭଟଲାଙ୍କୁ ପଦ୍ମଶ୍ରୀ ପୁରସ୍କାର ପ୍ରଦାନ କରାଯିବ । ଭୋଜପୁରର ସମାଜସେବୀ ଭୀମ ସିଂ ଭବେଶଙ୍କୁ ଗତ ୨୨ ବର୍ଷ ଧରି ତାଙ୍କ ସଂଗଠନ ‘ନାଇ ଆଶା’ ଜରିଆରେ ସମାଜର ଅନ୍ୟତମ ଅବହେଳିତ ଗୋଷ୍ଠୀ ମୁସାହର ସମ୍ପ୍ରଦାୟର ଉନ୍ନତି ପାଇଁ ତାଙ୍କର ଅକ୍ଳାନ୍ତ ପରିଶ୍ରମ ପାଇଁ ପଦ୍ମଶ୍ରୀ ସମ୍ମାନରେ ସମ୍ମାନିତ କରାଯିବ । ସେହିପରି ପି ଦଚନମୂର୍ତ୍ତିଙ୍କୁ ପଦ୍ମଶ୍ରୀ ସମ୍ମାନରେ ସମ୍ମାନିତ କରାଯିବ।
ଏଥର ଅନେକ କଳାକାରଙ୍କୁ ଏହି ସମ୍ମାନରେ ସମ୍ମାନିତ କରାଯିବ। ପୂର୍ବରୁ ଅନେକ କଳାକାର ଏହି ସମ୍ମାନ ପାଇସାରିଛନ୍ତି। ଏବେ ଏହି ତାଲିକାରେ ଆଉ କିଛି କଳାକାରଙ୍କ ନାମ ଯୋଡି ହୋଇଛି। ଏଥର ଲୋକ ଗାୟିକା ଶାରଦା ସିହ୍ନାଙ୍କୁ ପଦ୍ମ ବିଭୂଷଣ ପାଇଁ ଚୟନ କରାଯାଇଛି। ଏହା ବ୍ୟତୀତ, ବେହେଲାବାଦକ ଏବଂ ସଂଗୀତଜ୍ଞ ଡକ୍ଟର ଲକ୍ଷ୍ମୀନାରାୟଣ ସୁବ୍ରମଣ୍ୟମଙ୍କୁ ମଧ୍ୟ ପଦ୍ମ ବିଭୂଷଣ ପାଇଁ ଚୟନ କରାଯାଇଛି। କଳା କ୍ଷେତ୍ରରେ ଗୁଜରାଟର କଳାକାର କୁମୁଦିନୀ ରଜନୀକାନ୍ତ ଲାଖିଆଙ୍କୁ ମଧ୍ୟ ପଦ୍ମ ବିଭୂଷଣ ପାଇଁ ବଛାଯାଇଛି। ଏହା ବ୍ୟତୀତ ଲୋକ ଗାୟିକା ଶାରଦା ସିହ୍ନା ମଧ୍ୟ ପଦ୍ମ ବିଭୂଷଣ ପାଇଁ ସାମିଲ କରାଯାଇଛି। ତାଙ୍କୁ ମରଣୋତ୍ତର ପଦ୍ମ ବିଭୂଷଣ ପ୍ରଦାନ କରାଯିବ।
ଦକ୍ଷିଣ ଏବଂ ଟିଭି ଜଗତର ଅଭିନେତା ଅନନ୍ତ ନାଗଙ୍କୁ ପଦ୍ମଭୂଷଣ ପାଇଁ ଚୟନ କରାଯାଇଛି। ସେ ହିନ୍ଦୀ ଚଳଚ୍ଚିତ୍ରରେ ମଧ୍ୟ କାମ କରିଛନ୍ତି। ଶାସ୍ତ୍ରୀୟ ନୃତ୍ୟଶିଳ୍ପୀ ଜତୀନ ଗୋସ୍ୱାମୀଙ୍କୁ ମଧ୍ୟ ପଦ୍ମଭୂଷଣ ପାଇଁ ଚୟନ କରାଯାଇଛି। ଦକ୍ଷିଣ ଅଭିନେତା ନନ୍ଦମୁରୀ ବାଲକୃଷ୍ଣନଙ୍କୁ ପଦ୍ମଭୂଷଣ ପୁରସ୍କାର ପ୍ରଦାନ କରାଯିବ। ସେ ଏବେ ବି ଚଳଚ୍ଚିତ୍ରର ଏକ ଅଂଶ। ଗଜଲ ଗାୟକ ପଙ୍କଜ ଉଧାସଙ୍କୁ ମରଣୋତ୍ତର ପଦ୍ମଭୂଷଣ ପ୍ରଦାନ କରାଯିବ। ଏହି ତାଲିକାର ଅନ୍ୟ କଳାକାରମାନଙ୍କ ବିଷୟରେ କହିବାକୁ ଗଲେ, ଚଳଚ୍ଚିତ୍ର ନିର୍ଦ୍ଦେଶକ ଶେଖର କପୁର ଏବଂ ଦକ୍ଷିଣ ଅଭିନେତା ଅଜିତ କୁମାରଙ୍କୁ ମଧ୍ୟ ଦେଶର ତୃତୀୟ ସବୁଠାରୁ ବଡ଼ ସମ୍ମାନ ପାଇଁ ଚୟନ କରାଯାଇଛି। ଭାରତୀୟ ଅଭିନେତ୍ରୀ ଏବଂ ନୃତ୍ୟଶିଳ୍ପୀ ଶୋଭନାଙ୍କୁ ମଧ୍ୟ ଭାରତ ସରକାର ପଦ୍ମଭୂଷଣ ସମ୍ମାନରେ ସମ୍ମାନିତ କରିବେ।
ପଦ୍ମଶ୍ରୀ ହେଉଛି ଚତୁର୍ଥ ସବୁଠାରୁ ବଡ଼ ସମ୍ମାନ ଆଉ ଏହି ତାଲିକାରେ ବଲିଉଡ ଗାୟକ ଅରିଜିତ ସିଂହଙ୍କ ନାମ ସାମିଲ ଅଛି। ଏହା ବ୍ୟତୀତ ମରାଠୀ ଅଭିନେତା ଅଶୋକ ଲକ୍ଷ୍ମଣ ସରାଫ, ଶାସ୍ତ୍ରୀୟ ଗାୟିକା ଅଶ୍ୱିନୀ ଭିଡେ ଦେଶପାଣ୍ଡେ, ନାଟ୍ୟ କଳାକାର ବୌରି ଜନ୍, ବେଗମ ବାତୁଲ, ଶ୍ରୀ ଭରତ ଗୁପ୍ତା, ଶ୍ରୀ ଭେରୁ ସିଂହ ଚୌହାନ, ଶ୍ରୀ ଦୁର୍ଗା ଚରଣ ରଣବୀର, ଶ୍ରୀ ଫାରୁକ ଅହମ୍ମଦ ମୀର, ଶ୍ରୀ ଗୋକୁଳ ଚନ୍ଦ୍ର ଦାସ, ଶ୍ରୀ ଗୁରୁଭାୟୁର ଡୋରାଇ, ନାମଗୁଡ଼ିକ ମଧ୍ୟରେ ଶ୍ରୀ ହରଚନ୍ଦନ ଶ୍ରୀ ଭଟ୍ଟେ, ଶ୍ରୀ ହରଜିନ୍ଦର ସିଂହ ଶ୍ରୀନଗର ୱାଲେ, ଶ୍ରୀ ହାସନ ରଘୁ, ଶ୍ରୀମତୀ ଜସପିନ୍ଦର ନରୁଲା, ଶ୍ରୀ ଜୟନାଚରଣ ଭଟାରୀ, ଶ୍ରୀମତୀ ମମତା ଶଙ୍କର, ଶ୍ରୀ ମହାବୀର ନାୟକ ଏବଂ ଶ୍ରୀମତୀ ନିର୍ମଳା ଦେବୀ ସାମିଲ।
