ବାସ୍ତବ ବ୍ୟୁରୋ: ଆରମ୍ଭ ହେଲା ମୁସଲିମ ଧର୍ମାବଲମ୍ବୀଙ୍କ ପବିତ୍ର ମାସ ରମଯାନ । ଶନିବାର ଚାନ୍ଦ କମିଟିର ନିଷ୍ପତ୍ତି କ୍ରମେ ପବିତ୍ର ମାସ ର ଆରମ୍ଭ ହୋଇଚି । ଶନିବାର ତରାବି ପରେ ଉପବାସ ଆରମ୍ଭ ହୋଇଚି । ମୁସଲମାନମାନେ ବିଶ୍ୱାସ କରନ୍ତି ଯେ ୧୪୦୦ ବର୍ଷ ପୂର୍ବେ ଏହି ପବିତ୍ର ମାସ ରେ ପ୍ରଫେଟ ମହମ୍ମଦଙ୍କ ଉପରେ କୋରାନର ପ୍ରଥମ ପଂକ୍ତି ଲେଖାଯାଇଥିଲା। ପବିତ୍ର ରମଯାନ ମାସ ମୁସଲମାନମାନଙ୍କୁ ଉପବାସ ମାଧ୍ୟମରେ ଆତ୍ମ-ଶୃଙ୍ଖଳା ଅଭ୍ୟାସ କରିବାର ସୁଯୋଗ ପ୍ରଦାନ କରେ। ଏହା ଆଧ୍ୟାତ୍ମିକ ପ୍ରତିଫଳନ, ଭକ୍ତି ଏବଂ ଆତ୍ମ-ନିୟନ୍ତ୍ରଣର ସମୟ।
ପ୍ରଥମ ଦିନରେ ରାଜ୍ୟର ବିଭିନ୍ନ ମସଜିଦରେ ନମାଜ ପାଠ କରିଛନ୍ତି ରୋଜା ରଖିଥିବା ମୁସଲମାନ ଧର୍ମାବଲମ୍ବୀ ମାନେ। ମୁସଲମାନ ଧର୍ମାବଲମ୍ବୀ ମାନେ ଉପବାସ ରଖିଛନ୍ତି । ଦୋକାନ ଗୁଡ଼ିକ ରେ ଲଚ୍ଚା , ଉପମା , ଖଜୁରୀ ସହ ଫଳ ଦୋକାନ ଗୁଡ଼ିକ ରେ ଭିଡ ଜମିଛି । ସୂର୍ଯ୍ୟୋଦୟରୁ ଉପବାସ ଆରମ୍ଭ ହେବ ଓ ସୂର୍ଯ୍ୟାସ୍ତ ପରେ ଫଳ,ଲାଛା, ଖଜୁରୀ ଖାଇ ଉପବାସ ଭାଙ୍ଗିବାର ପରମ୍ପରା ରହିଛି ।
