ବରଗଡ଼୩୧/୩(ନବୀନ କୁମାର ଦାଶ):ବରଗଡ଼ ଜିଲ୍ଲା ଅତାବିରା ମୁସଲିମ ସମାଜ ତରଫରୁ ଇଦ୍ ନମାଜ ପାଠ କରି,ସମସ୍ତଙ୍କୁ ଶୁଭେଚ୍ଛା ଜଣାଇ ଉଲ୍ଲାସର ସହିତ “ଇଦ୍-ଓଲ-ଫିତର୍ ପର୍ବ ପାଳିତ ହୋଇଯାଇଛି।
“ଇଦ୍-ଓଲ-ଫିତର୍ ପର୍ବ “- ଇସଲାମ ଧର୍ମରେ ବିଶ୍ୱାସ କରୁ ଥିବା ମୁସଲିମ୍ ଧର୍ମାବଲମ୍ବୀଙ୍କର ଏହା ଏକ ପ୍ରମୁଖ ପର୍ବ।ପବିତ୍ର ରମଜାନ ମାସ ରେ,ତିରିଶ ଦିନ ନିର୍ଜଳା ଉପବାସ ରହି, ଶେଷ ଦିନରେ ଏହି ପର୍ବ ପାଳନ କରା ଯାଇଥାଏ।ଇସଲାମର ଧାର୍ମିକ ଗ୍ରନ୍ଥ କୁରାନ ଅନୁଯାୟୀ,-ଏହି ଉପବାସ ମାସରେ ସମସ୍ତ ମୁସଲିମ ନିଜ ଅର୍ଜିତ ମୋଟ୍ ଧନ-ସମ୍ପତ୍ତିରୁ “ଜକାତ ଓ ଫିତରା” ନାମରେ ୨.୫ପ୍ରତିଶତ ସମ୍ପତ୍ତି , ଗରିବ ଓ ଅସହାୟ ମାନଙ୍କୁ ଦାନ କରନ୍ତି ଏବଂ ତିରିଶ ଦିନ ଲଗାତାର ନିର୍ଜଳା ଉପବାସ ରହି “ତରାବି ନମାଜ” ସାମୁହିକ ଭାବେ ମସଜିଦ ରେ ପାଠ କରନ୍ତି।
ରମଜାନ ମାସର ଅନ୍ତିମ ରାତି ରେ ଚନ୍ଦ୍ର ଦେଖି,ଚନ୍ଦ୍ର ତିଥି ଅନୁସାରେ ସକାଳୁ ଏହି ଇଦ୍-ଉଲ-ଫିତର ନମାଜ ପାଠ କରାଯାଏ।ଆଜି ଅତାବିରା ଇଦ ଗାହ ପଡ଼ିଆରେ,ଅତାବିରା ମୁସଲିମ ସମାଜର ସମସ୍ତ ସମ୍ମାନୀତ,ବୟସ୍କ,ବୃଦ୍ଧ ତରୁଣ ଓ ଦାଇତ୍ବବାନ କାର୍ଯ୍ଯକର୍ତ୍ତାଙ୍କ ସମାବେଶରେ ଏହି ନମାଜ ଖୁସିର ସହିତ ପାଠ କରାଗଲା ଓ ସମସ୍ତଙ୍କୁ ସେୱେଇଁ ମିଠା ପ୍ରସାଦ ରୂପେ ବଣ୍ଟନ କରାଯାଇ ଥିଲା।
