ବରଗଡ଼(ନବୀନ କୁମାର ଦାଶ)୧୪/୪:ବରଗଡ଼ ଜିଲ୍ଲା ଅତାବିରା ବ୍ଲକ୍ ଅନ୍ତର୍ଗତ ବୁଗବୁଗା ପଞ୍ଚାୟତ ଭୂତ ଟିକ୍ରା ରେ ପବିତ୍ର ମହା ବିଷୁବ ସଂକ୍ରାନ୍ତି,(ପଣା ସଂକ୍ରାନ୍ତି)ଓ ହନୁମାନ ଜୟନ୍ତୀ ଅବସର ରେ ଶ୍ରୀ ଶ୍ରୀ ବୀର ହନୁମାନ ଙ୍କ ପୂଜାର୍ଚ୍ଚନା ସହ ବିଶ୍ଵଶାନ୍ତି ମହାଯଜ୍ଞ ମହା ସମାରୋହ ରେ ପାଳିତ ହୋଇଯାଇଛି।
କଳସ ଅଧିବାସ ସହ ଗାଆଁ ର ଭାଗବତ ଟୁଙ୍ଗି ଠାରେ ରାଧା କୃଷ୍ଣ ଙ୍କ ଠାରେ ପୂଜକ ଭାବେ ଅଶ୍ଵିନୀ କର୍ଣ୍ଣ ଓ ପ୍ରେମାନନ୍ଦ କର୍ଣ୍ଣ ଙ୍କ ନିତ୍ୟ ନୈମିତ୍ତିକ ପୂଜାର୍ଚ୍ଚନା ପୂର୍ବକ ବୀର ହନୁମାନ ଜୟନ୍ତୀ ଧୁମଧାମରେ ପାରମ୍ପ ରିକ ରୀତିନୀତି ଅନୁଯାୟୀ ଧୂପ ଦ୍ବୀପ ନୈବେଦ୍ୟ ଅର୍ପଣ କରି ଭଜନ କୀର୍ତ୍ତନ ଓ ଘଣ୍ଟ ଶଙ୍ଖ ହୁଳହୁଳି ର ତାଳରେ ଗଗନ ପବନ ଉଚ୍ଛୁଳି ଉଠିଥିଲା।ଶ୍ରୀ ଶ୍ରୀ ବୀର ହନୁମାନ ଙ୍କ ପୂଜାର୍ଚ୍ଚନା ପରେ ଯଜ୍ଞ ର ବ୍ୟାସାଧିସ ଭାବେ କୈଳାସ ଚନ୍ଦ୍ର ଧରୁଆ ଙ୍କ ବରଣ ହୋଇଥିବା ବେଳେ ଯଜ୍ଞ ରେ କର୍ତ୍ତା ଭାବେ ସପତ୍ନିକ ଅରୁଣ କର୍ଣ୍ଣ ଓ କନକ କର୍ଣ୍ଣ, ଦୋଲମଣୀ କର୍ଣ୍ଣ ଓ ପଦ୍ମିନୀ କର୍ଣ୍ଣ ଦାୟିତ୍ୱ ତୁଲାଇ ଥିଲେ।ଶ୍ରଦ୍ଧାଳୁ ମହିଳା ପୁରୁଷ ମାନେ ସଂକଳ୍ପ ପୂର୍ବକ ଯଜ୍ଞ ରେ ଘୃତ ଆହୁତି ଦେଇ ଆଳତୀ ପୁଷ୍ପାଞ୍ଜଳି ସହ ପୂର୍ଣ୍ଣାହୁତି ହୋଇ ଯଜ୍ଞ ସମାପନ ହୋଇ ଥିଲା।ଏଥିରେ ଗ୍ରାମର ଆବାଳବୃଦ୍ଧ ବନିତା ସମସ୍ତଙ୍କ ସକ୍ରିୟ ସହଯୋଗ ରହିଥିବା ବେଳେ ସମସ୍ତଙ୍କ ପାଇଁ ଅନ୍ନ ପ୍ରସାଦ ର ବ୍ୟବସ୍ଥା ରହିଥିଲା।
