ବାସ୍ତବ ବ୍ୟୁରୋ- ଆଜି ଭାରତୀୟ ସେନାକୁ ଏକ ବଡ଼ ଧରଣର ସଫଳତା ମିଳିଛି । କାଶ୍ମୀର ଘାଟିରେ ସେନାର ଗୁଳିରେ ପ୍ରାଣ ହରାଇଛି ଦୁର୍ଦ୍ଦାନ୍ତ ଆତଙ୍କବାଦୀ ତଥା ହିଜବୁଲ ମୁଜାହଦ୍ଦିନର କମାଣ୍ଡର ରିଆଜ ନାଇକୋ ଓରଫ ମହମ୍ମଦ ବିନ କାସିମ ଏବଂ ତା ସାଥି ଆତଙ୍କବାଦୀ ମଧ୍ୟ ପ୍ରାଣ ହରାଇଛି ।
ସେନା ପକ୍ଷରୁ ଏହି ଦୁଇ ଆତଙ୍କବାଦୀଙ୍କ ମୃତଦେହ ମଧ୍ୟ ତାଙ୍କ ପରିବାରବର୍ଗଙ୍କୁ ହସ୍ତାନ୍ତର ନକରିବାର ସମ୍ଭାବନା ରହିଛି କାରଣ ଏହା ଦ୍ୱାରା ଉତ୍ତେଜନା ବଢିବା ସହ ସ୍ଥିତି ବିଗିଡ଼ିବାର ଆଶଙ୍କା ରହିଛି ।
ଗତ ୮ ବର୍ଷ ହେଲା ରିଆଜ ନାଇକୋକୁ ଭାରତୀୟ ସୁରକ୍ଷା ବାହିନୀ ଖୋଜୁଥିଲା । ସେ ଜମ୍ମୁ ଓ କଶ୍ମୀରରେ ହିଜବୁଲ ମୁଜାହିଦ୍ଦିନର ମୁଖ୍ୟ ଥିଲା । ଘାଟିରେ ହୋଇଥିବା ଅନେକ ଆତଙ୍କବାଦୀ ଘଟଣାରେ ତାହାର ହାତଥିଲା ।
