ବରଗଡ଼୧୦/୧୦(ନବୀନ କୁମାର ଦାଶ):ବରଗଡ଼ ଜିଲ୍ଲା ଅତାବିରା ଥାନା ପୋଲିସ ଦଳ ଏକ ଗୁରୁତ୍ୱପୂର୍ଣ୍ଣ ସଫଳତା ହାସଲ କରିଛି।ଥାନା ମାମଲା ନଂ- ୩୨୭/୨୫ ଅନୁସାରେ ଭାରତୀୟ ନ୍ୟାୟ ସଂହିତା (BNS) ର ଧାରା ୩୦୩(୨)/୩(୫) ଅନୁଯାୟୀ ଦାଖଲ ହୋଇଥିବା ଚୋରି ମାମଲାରେ ଏକ ଟ୍ରାକ୍ଟର ଓ ଟ୍ରଲି ଉଦ୍ଧାର କରିବା ସହିତ ତିନି ଅଭିଯୁକ୍ତଙ୍କୁ ପୋଲିସ ଗିରଫ କରିଛି।ବିଶ୍ୱସନୀୟ ସୂଚନା ଆଧାରରେ ତଦନ୍ତ ପରେ ନିମ୍ନଲିଖିତ ବ୍ୟକ୍ତିମାନଙ୍କୁ ଗିରଫ କରା ଯାଇଛି।
ସେମାନେ ହେଲେ ୧. ଅଚ୍ୟୁତାନନ୍ଦ ପାଢ଼ାନ,ବାସିନ୍ଦା, କୁସନପୁରି,ଭେଦେନ ୨.ତ୍ରିଲୋଚନ ନାଗ,ବାସିନ୍ଦା ବାଗରଟିପାଲି, ଭେଦେନ ୩.ସଏଦ ଆବାସ,ବାସିନ୍ଦା ଧନୁପାଲି,ସମ୍ବଲପୁର।ଚୋରି ହୋଇଥିବା ଟ୍ରାକ୍ଟର ଓ ଟ୍ରଲିକୁ ପୋଲିସ ଉଦ୍ଧାର କରି ଜବତ କରିଛି।ଗିରଫ ହୋଇଥିବା ତିନି ଅଭିଯୁକ୍ତଙ୍କୁ ଆଜି ଅଦାଲତକୁ ଚାଲାଣ କରାଯାଇଛି।ଏହି ସଫଳ ଅଭିଯାନରେ ବରଗଡ଼ ଜିଲ୍ଲା ପୋଲିସଙ୍କ ଅପରାଧ ବିରୋଧୀ ପ୍ରତିଶ୍ରୁତି ଓ କାର୍ଯ୍ୟ ଦକ୍ଷତାକୁ ପ୍ରକାଶ କରେ।
