କଟକ(ସଂଜୟ ଶତପଥୀ): ସଖୀ ୱାନ ଷ୍ଟପ ସେଣ୍ଟର୍ ତରଫ ରୁ ସମାଜରୁ ଲିଙ୍ଗଗତ ଭେଦଭାବ ତଥା ମହିଳା ହିଂସା ଦୂରୀକରଣ ନିମନ୍ତେ ଆନ୍ତର୍ଜାତୀୟ ସ୍ଥରରେ ପାଳିତ ୧୬ ଦିନିଆ କାର୍ଯ୍ୟକ୍ରମର ଅନ୍ତିମ ଦିନ ଉପଲକ୍ଷେ ଏସ.ସି.ବି ମେଡ଼ିକାଲ ର ମାନସିକ ବିଭାଗ ସମ୍ମୁଖରେ ମାନବାଧିକାର ଦିବସ ଜିଲ୍ଲା ପ୍ରଶାସନ ର ସହୟତାରେ ପାଳନ ହୋଇଯାଇଛି।
ଏହି କାର୍ଯ୍ୟକ୍ରମ ରେ ମାନସିକ ବିଭାଗ ର ନିର୍ଦ୍ଦେଶକ ପ୍ରଫେସର ଡ଼ା.ଅଜୟ ମିଶ୍ର , ଆଇନ ସେବା ସଂସ୍ଥା କ୍ଲାପ୍ ର ଆଇନଜୀବି ଡ଼.ସଦାନନ୍ଦ୍ ବାଗ ମମତା ଶକ୍ତି ସଦନ ର କର୍ମକର୍ତ୍ତା ତଥା ଆୟିନ ସେବା ପ୍ରାଧିକରଣ ର ସଦସ୍ୟ ମନେ ଉପସ୍ଥିତ ଥିଲେ।ଏହି କାର୍ଯ୍ୟକ୍ରମ ପରିପ୍ରେକ୍ଷୀରେ ଏକ ମାନବ ଶୃଙ୍ଖଳ ତିଆରି କରାଯାଇ ସମାଜ ରେ ମାନବାଧିକାର ର ପ୍ରସାର ଓ ସହଭାଗିତା ବିଷୟରେ ସଚେତନତା ସୃଷ୍ଟି କରାଯାଇଥିଲା ଏବଂ ସମସ୍ତଙ୍କ ମାନବାଧିକାର ର ସୁରକ୍ଷା ଓ ସମ୍ମାନ ନିମନ୍ତେ ଏକ ଶପଥ ପାଠ କରା ଯାଇଥିଲ।
ଏହି କାର୍ଯ୍ୟକ୍ରମ ରେ ଡ. ସଦାନନ୍ଦ ବାଗ ମାନବାଧିକାର ଦିବସ ପାଳନ ର ଲକ୍ଷ୍ୟ ଓ ଉଦ୍ଦେଶ୍ୟ ଉପରେ ଆଲୋକପାତ କରିଥିବା ବେଳେ ଡ. ଅଜୟ ମିଶ୍ର ସମାଜ ରେ ହେଉଥିବା ଅନ୍ୟାୟ ଓ ଅନୀତି କୁ ବିରଧକରି କିପରି ଏକ ସୁସ୍ଥ ସମାଜ ଗଠନ ହୋଇପାରିବ ସେ ବିଷୟ ରେ ଆଲୋଚନା କରିଥିଲେ। ଏହି କାର୍ଯ୍ୟକ୍ରମ ରେ ସଖୀ ର ଆଇନ ଜୀବି ବିଜୟ ମିଶ୍ର ସଖୀ କେନ୍ଦ୍ର ଦ୍ବାରା ମିଳୁଥିବା ଆଇନ ସେବା ଗୁଡିକ ଉପରେ ଜନ ସାଧାରଣ ଙ୍କୁ ଅବଗତ କରାଇ ଥିଲେ।
ଆଇ. ଏସ . ଡି ର ପ୍ରଯୋଜିକା ବୀଣାପାଣି ମଲ୍ଲିକ ଏହି କାର୍ଯ୍ୟକ୍ରମ କୁ ପରିଚାଳନା କରିଥିଲା ବେଳେ ସଖୀ ର କାଉନସିଲର ତନ୍ମୟୀ ପଣ୍ଡା ଧନ୍ୟବାଦ୍ ଅର୍ପଣ କରିଥିଲେ।
