କଟକ(ସଂଜୟ ଶତପଥୀ): ଟାଟା ପାୱାର ରାଜ୍ୟର ବିଦ୍ୟୁତ ଉପଭକ୍ତା ମାନଙ୍କ ଠାରୁ ଅତିରିକ୍ତ ସୁରକ୍ଷା ଜମା ରାଶି ଆଦାୟ ନୋଟିସ କୁ ଶୀଘ୍ର ପ୍ରତ୍ୟାହାର କରିବାକୁ କଟକ ର ସାମାଜିକ ସଂଗଠନ ଭଏସ ଅଫ କଟକ ତରଫରୁ ବିଦ୍ୟୁତ ବିଭାଗ ଓଡିଶା ର ମୁଖ୍ୟସଚିବ, ଓଡିଶା ବିଦ୍ୟୁତ ନିୟାମକ ଆୟୋଗ ସଚିବ, ପରିଚାଳନା ନିର୍ଦେଶକ ଟିପିସିଓଡ଼ିଏଲ ( Tpcodl ) ନିର୍ବାହୀ ଯନ୍ତ୍ରୀ ବିଦ୍ୟୁତ ବିଭାଗ କଟକ ଙ୍କୁ ଦାବିପତ୍ର ପ୍ରଦାନ କରାଗଲା ! ଏହି ନିଷ୍ପତି କୁ ଯଥାଶୀଘ୍ର ଯଦି ପ୍ରତ୍ୟାହାର ନ କରାଗଲେ ସାମାଜିକ ସଂଗଠନ ଭଏସ ଅଫ କଟକ ପକ୍ଷରୁ ବ୍ୟାପକ ଆନ୍ଦୋଳନ କରାଯିବ ବୋଲି ଚେତାବନୀ ଦିଆଯାଇଛି ।
ଉକ୍ତ ଦାବିପତ୍ର ପ୍ରଦାନ ସମୟରେ ସଭାପତି ସିଦ୍ଧାର୍ଥ ମହାନ୍ତି, ସମ୍ପାଦକ ସୌମ୍ୟଦୀପ ଘୋଷ, ଉପଦେଷ୍ଟା ଜଗତଜ୍ୟୋତି ପଟ୍ଟନାୟକ, ଉପ ସଭାପତି ସିଦ୍ଧାର୍ଥ ନନ୍ଦ, ପ୍ରସଂଜିତ ସ୍ୱାଇଁ, ଆଡ଼ଭୋକେଟ ଶାନ୍ତନୁ ମହାପାତ୍ର, ଅମିତ ମହାନ୍ତି, ଲାଲା ରାଏ ପ୍ରମୁଖ ଉପସ୍ଥିତ ଥିଲେ ।
