ବାସ୍ତବ ବ୍ୟୁରୋ-ସମ୍ଭାବ୍ୟ ବାତ୍ୟା ନେଇ ମୁଖ୍ୟ ଶାସନ ସଚିବ ପ୍ରଦୀପ କୁମାର ଜେନାଙ୍କ ଅଧ୍ୟକ୍ଷତାରେ ଆୟୋଜିତ ହୋଇଥିଲା ବୈଠକ । ଏହି ବୈଠକରେ ଏସଆରସି , ଡିଜିପି ଓ ପାଣିପାଗ ବିଭାଗ ନିର୍ଦ୍ଦେଶକ, ଏନଡ଼ିଆରଏଫର ବରିଷ୍ଠ ଅଧିକାରୀ ମଧ୍ୟ ଉପସ୍ଥିତ ରହିଥିଲେ ।
ମିଳିଥିବା ସୂଚନା ଅନୁଯାୟୀ ଲଘୁଚାପ ଆଜି ସନ୍ଧ୍ୟାରେ ଅବପାତ ରୂପ ନେବ । ଆସନ୍ତାକାଲି ସଂନ୍ଧ୍ୟା ସୁଦ୍ଧା ବାତ୍ୟାର ରୂପ ନେବ । ବାତ୍ୟାର ରୂପ ନେବା ପରେ ଉତ୍ତର ପଶ୍ଚମ ଦିଗକୁ ଗତି କରି ରିକର୍ଭ କରିବ । ଉତର ବଙ୍ଗୋପସାଗର ଦେଇ ଗତି କରିବା ଯୋଗୁ ଉତ୍ତର ଉପକୂଳ ଓଡ଼ିଶା ପ୍ରଭାବିତ ହେବ ବୋଲି ସ୍ଫଷ୍ଟ କରିଦେଇଛନ୍ତି ଏସଆରସି ।
ବୈଠକ ଶେଷ ହେବା ପରେ ସମ୍ଭାବ୍ୟ ବାତ୍ୟା ମୁକାବିଲା ନେଇ ମୁଖ୍ୟ ଶାସନ ସଚିବ ସବୁ ଜିଲାପାଳଙ୍କୁ ଓ ଅଫିସରଙ୍କୁ ସତର୍କ ରହିବାକୁ ନିର୍ଦ୍ଦେଶ ଦେଇଛନ୍ତି । ଗଛ କଟା ରାସ୍ତା ସଫା, ପିଇବା ପାଣି, ବାତ୍ୟା ଆଶ୍ରୟ ସ୍ଥଳ ପ୍ରସ୍ତୁତ କରିବାକୁ ନିର୍ଦେଶ ଦିଆଯାଇଛି । କିଏ ଦାୟିତ୍ୱରେ ରହିବ ତାକୁ ନେଇ ବର୍ତ୍ତମାନ ଆଲୋଚନା ଚାଲିଛି । ଦୁଇ ଜଣ ଲେଖା ଶିକ୍ଷକ ପ୍ରତି ସାଇକ୍ଲୋନ ସେଣ୍ଟର ଦାୟିତ୍ୱରେ ରହିବେ । ବାତ୍ୟା ର ସ୍ଥିତି ଜାଣିବା ପରେ ଲୋକାଙ୍କୁ ସ୍ଥାନାନ୍ତରଣ କରାଯିବ ପ୍ରକ୍ରିୟା ଆରମ୍ଭ ହେବ ।
ମସ୍ୟଜୀବୀ ମାନେ ୧୭ ତାରିଖ ସୁଦ୍ଧା ସମୁଦ୍ର ରୁ ଫେରିବାକୁ ସେ କହିଛନ୍ତି । ସମୁଦ୍ର କୂଳରୁ ୩ କିମି ମଧ୍ୟରେ ଯିଏ ଅଛନ୍ତି ତାଙ୍କର କୋବିଡ଼ ଟେଷ୍ଟ କରି ହୋମ ଇସଲାସନ ରେ ରହିବାକୁ କୁହାଯାଇଛି. ଜଗତସିଂପୁର, କେନ୍ଦ୍ରାପଡା, ବାଲେଶ୍ୱର, ଭଦ୍ରକ ଜିଲାପାଳ ଙ୍କୁ ଅଧିକ ସତର୍କ ରହିବାକୁ ନିର୍ଦେଶ । ୪୦ ରୁ ୫୦ କିଲୋମିଟର ବେଗରେ ପବନ ବହିବ ସ୍ଥଳ ବିଶେଷରେ ଏହା ୬୫ କିମି ହୋଇପାରେ । ଉପକୂଳରେ ୧୯ ରୁ ବର୍ଷା ଓ ୬୦ ରୁ ୭୦ କିଲୋମିଟର ବେଗରେ ପବନ ବହିବା ଆଶଙ୍କା ଥିବା ବେଳେ ସ୍ଥଳବିଶେଷରେ ଏହା ସର୍ବାଧକ ୯୫ କିମି ଯାଏ ହୋଇପାରେ ।
