ବାସ୍ତବ ବ୍ୟୁରୋ-ଆଜି ଅର୍ଥମନ୍ତ୍ରୀ ନିର୍ମଳା ସୀତାରମଣ “ଆତ୍ମ ନିର୍ଭରଶୀଳ ଭାରତ”ର ତୃତୀୟ କିସ୍ତି ଘୋଷଣା କରିଛନ୍ତି ।ତୃତୀୟ ପର୍ଯ୍ୟାୟ ଘୋଷଣାରେ କୃଷି, ଗୋପାଳନ, ମତ୍ସ୍ୟ ଚାଷକୁ ଗୁରୁତ୍ୱ ଦିଆଯାଇଛି ।
କୃଷିଜାତ ଦ୍ରବ୍ୟର ରକ୍ଷଣାବେକ୍ଷଣ କ୍ଷେତ୍ରରେ ଶୀତଳ ଭଣ୍ଡାର ନିର୍ମାଣ ପାଇଁ ୧ ଲକ୍ଷ କୋଟି ଟଙ୍କା ବିନିଯୋଗ ହେବ । ଅଧିକ ଶୀତଳ ଭଣ୍ଡାର, ଗୋଦାମ ନିର୍ମାଣ, ପ୍ରାଥମିକ ସମବାୟ ସମିତି, କୃଷକ ସମିତି ପାଇଁ ଏହି ଟଙ୍କା ଖର୍ଚ୍ଚ କରାଯିବ ।କୃଷି କ୍ଲଷ୍ଟର ପାଇଁ ୧୦ ହଜାର କୋଟି ଟଙ୍କା ଘୋଷଣା । ସ୍ଥାନୀୟ ଉତ୍ପାଦନ ପ୍ରଚାର ପାଇଁ ୧୦ହଜାର କୋଟି ଫଣ୍ଡ ହେବ । ସ୍ଥାନୀୟ ଉତ୍ପାଦର ପ୍ରଚାର ପାଇଁ ଏହି ଫଣ୍ଡ ଖର୍ଚ୍ଚ ହେବ । ହର୍ବାଲ, ଅର୍ଗାନିକ ଓ ପୋଷାକ ଉତ୍ପାଦ ଉପରେ ଗୁରୁତ୍ୱ ଦିଆଯାଇଛି । ତେଲେଙ୍ଗାନାରେ ହଳଦୀ, ଆନ୍ଧ୍ରରେ ଲଙ୍କା, କାଶ୍ମୀରରେ କଶର, କର୍ଣ୍ଣାଟକରେ ରାଗିକୁ ନେଇ କ୍ଲଷ୍ଟର ହେବ । ତେବେ ସ୍ଥାନୀୟ ଉତ୍ପାଦକୁ ଅଗ୍ରାଧିକାର ଦେବାକୁ ୧୦ ହଜାର କୋଟି ଅନୁଦାନ ଦିଆଯାଇଥିବା ଅର୍ଥମନ୍ତ୍ରୀ ଘୋଷଣା କରିଛନ୍ତି ।
୫୩ କୋଟି ଗୋରୁଗାଈଙ୍କୁ ଟୀକା ଦିଆଯିବ । ଗୃହପାଳିତ ପଶୁଙ୍କ ଜୀବନ ବଞ୍ଚାଇବ ପାଇଁ ୧୪, ୩୪୩ କୋଟି ଟଙ୍କା ଦିଆଯିବ । ଦୁଗ୍ଧ ଉତ୍ପାଦନ କ୍ଷେତ୍ର ପାଇଁ ୧୫ହଜାର କୋଟି । ମହୁ ଚାଷ ପାଇଁ ୫୦୦ କୋଟି ଘୋଷଣା କରାଯାଇଛି । ୨ ଲକ୍ଷ ମହୁ ଚାଷୀ ଙ୍କ ପାଇଁ ଘୋଷଣା ।
ମତ୍ସ୍ୟଚାଷ ପାଇଁ ୨୦ ହାଜର କୋଟି ଘୋଷଣା କରିଥିବାବେଳେ ଶୀତଳ ଭଣ୍ଡାର, ମାଛ ମଣ୍ଡି, ମାଛ ଚାଷ ପାଇଁ ଭିତ୍ତିଭୂମି ଏବଂ ଉତ୍ପାଦନ ପାଇଁ ଅର୍ଥ ମଂଜୁର । ଆଗାମୀ ଦିନରେ ୫୫ ଲକ୍ଷ ଲୋକଙ୍କୁ ଏହି ଯୋଜନାରେ ରୋଜଗାର ମିଳିବ ।
ଏକ ଗୁରୁତ୍ୱପୂର୍ଣ ଘୋଷଣା କ୍ରମେ ସରକାର ୧୯୫୫ର ଅତ୍ୟାବଶ୍ୟକ ସାମଗ୍ରୀ ଆଇନରେ ସଂଶୋଧନ କରିବା ସଂପର୍କରେ ଘୋଷଣା କରିଛନ୍ତି । ଏହି ସଂଶୋଧନ ଅନୁସାରେ ଖାଦ୍ୟଶସ୍ୟ, ଖାଇବାତେଲ, ତୈଳବୀଜ,ଡାଲି, ପିଆଜ ଓ ଆଳୁକୁ ଏହି ଆଇନ ନିୟନ୍ତ୍ରଣରୁ ମୁକ୍ତ ରଖାଯାଇଛି ।
