ବାସ୍ତବ ବ୍ୟୁରୋ–ରାଜ୍ୟରେ କରୋନା କଟକଣା ଯୋଗୁ ବାତିଲ ହେଲା ୟୁଜି ଓ ପିଜିର ବାକିଥିବା ଫାଇନାଲ ସେମିଷ୍ଟାର । ଉଚ୍ଚଶିକ୍ଷାମନ୍ତ୍ରୀଙ୍କ ଭିଡିଓ କନଫରେନସିଙ୍ଗ ଜରିଆରେ ବିଶ୍ୱବିଦ୍ୟାଳୟ କୁଳପତିମାନଙ୍କ ସହ ବୈଠକ ପରେ ୟୁଜି ଓ ପିଜିର ବାକିଥିବା ଫାଇନାଲ ସେମିଷ୍ଟାରକୁ ବାତିଲ କରାଯାଇଛି । ସମସ୍ତ ଥିଓରି ଓ ପ୍ରାକ୍ଟିକାଲ ପରୀକ୍ଷାକୁ ବାତିଲ କରିଛନ୍ତି ସରକାର । UGC ପ୍ରସ୍ତାବ ଅନୁସାରେ, ବିକଳ୍ପ ମୂଲ୍ୟାୟନ ଜରିଆରେ ଅଗଷ୍ଟ ଶେଷ ସୁଦ୍ଧା ପରୀକ୍ଷା ଫଳ ବାହାରିବ ।
ତେବେ ଅଧିକ ନମ୍ବର ରଖିବା ଯୋଗ୍ୟ ଭାବୁଥିବା ପିଲା ନଭେମ୍ବରରେ ପରୀକ୍ଷା ଦେବେ । ଫାଇନାଲ ସେମିଷ୍ଟାରର ବ୍ୟାକ୍ ପେପର ଥିବା ପିଲାଙ୍କ ପରୀକ୍ଷା ବାତିଲ ହୋଇଛି । କିନ୍ତୁ ମେଡିକାଲ ପାଠ୍ୟକ୍ରମର ପରକ୍ଷା ଧାର୍ଯ୍ୟ ତାରିଖରେ ହେବ । କରୋନା ସ୍ଥିତି ମୁକାବିଲା ନେଇ ଉଚ୍ଚଶିକ୍ଷା ବିଭାଗ ପକ୍ଷରୁ ଏହି ନିଷ୍ପତି ନିଆଯାଇଛି ।
