ବାସ୍ତବ ବ୍ୟୁରୋ : ବାତିଲ୍ ହେଲା ଅନ୍ତର୍ଜାତୀୟ ବିମାନ ସେବା । ଆସନ୍ତା ଜୁଲାଇ ୧୫ ଯାଏଁ ବନ୍ଦ ରହିବ ଅନ୍ତର୍ଜାତୀୟ ବିମାନ ସେବା । ଦେଶରେ କରୋନା ସଂକ୍ରମଣ ବଢ଼ୁଥିବାରୁ ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ (ଡିଜିସିଏ) ଏହି ନିଷ୍ପତ୍ତି ନେଇଛନ୍ତି । ତେବେ କିଛି ନିର୍ଦ୍ଦିଷ୍ଟ ସର୍ତ୍ତ ସହିତ, କିଛି ରୁଟରେ ବିମାନ ସେବା ଚାଲିପାରିବ ।
ଡିଜିସିଏ ର ଏହି ନିଷ୍ପତ୍ତି ନେବାର କାରଣ ହେଉଛି, ଆମେରିକା, ବ୍ରାଜିଲ୍ ଭଳି ଦେଶ ଏବେ କରୋନାର ହଟସ୍ପଟ ପାଲଟିଛି । ଏହି ଦେଶ ଏବେ ଅନ୍ୟ ଦେଶର ବିମାନକୁ ପ୍ରବେଶ କରାଉ ନାହିଁ । କେବଳ ନିଜ ଦେଶ ଭିତରେ ବିମାନ ସେବା ଜାରି ରହିଛି । ତେଣୁ ଭାରତ ମଧ୍ୟ ଅନ୍ତର୍ଜାତୀୟ ବିମାନ ସେବାକୁ ବନ୍ଦ କରିବାକୁ ନିଷ୍ପତ୍ତି ନେଇଥିବା କୁହାଯାଉଛି ।
କାର୍ଗୋ ବିମାନ ଉପରେ କୌଣସି କଟକଣା ଲଗାଯାଇ ନାହିଁ । କରୋନା କାରଣରୁ ମାର୍ଚ୍ଚ ୨୩ରୁ ଅନ୍ତରାଷ୍ଟ୍ରୀୟ ବିମାନ ସେବା ଉପରେ ପ୍ରତିବନ୍ଧକ ଲଗା ଯାଇଥିଲା। ପରେ ଲକ୍ଡାଉନ୍ ସହିତ କଟକଣା ଅବଧି ମଧ୍ୟ ବଢି ଚାଲିଛି ।
