ବାସ୍ତବ ବ୍ୟୁରୋ- ଭାରତ-ଚୀନ ମଧ୍ୟ ରେ ସୀମା ବିବାଦ ଜାରି ରହିଥିବା ବେଳେ ଭାରତ ନିଜର ଆଭିମୁଖ୍ୟ ସ୍ପଷ୍ଟ କରି କହିଛି ଯେ, “ଗୋଟିଏ ଇଞ୍ଚ ଜାଗା ଭାରତ ଦେବ ନାହିଁ” । ଚୀନ କୁ ମାତ୍ ଦେବା ପାଇଁ ଭାରତ ‘ଡିଜିଟାଲ ଷ୍ଟ୍ରାଇକ୍’ ମଧ୍ୟ କରିଛି । ତେବେ, ଭାରତର ଏହି ପଦକ୍ଷେପ କୁ ଆମେରିକା, ଜାପାନ ସମେତ ଅନେକ ଦେଶ ସମର୍ଥନ କରିଛନ୍ତି । ଭାରତ କୁ ଅନେକ ଦେଶ ର ସମର୍ଥନ ମଧ୍ୟ ମିଳିଛି ଯାହାକି ଚୀନ୍ ର ଚିନ୍ତା ଆହୁରି ବଡାଇ ଦେଇଛି ।
ଆମେରିକା ର ରାଷ୍ଟ୍ରପତି ଡୋଲାନ୍ଡ ଟ୍ରମ୍ପ, ପୂର୍ବରୁ କୋଭିଡ-୧୯ ପାଇଁ ଚୀନ କୁ ବାରମ୍ବାର ଦାୟୀ କରି ଆସୁଥିବା ବେଳେ ଏବେ ସୀମା ବିବାଦକୁ ନେଇ ମଧ୍ୟ ଚୀନ କୁ ଦାୟୀ କରିଛନ୍ତି । “ବୁଧବାର ହ୍ୱାଇଟ୍ ହାଉସର ପ୍ରେସ ସଚିବ କାଏଲେ ମୋକନେନୀ କହିଛନ୍ତି, ଭାରତ ବିରୋଧରେ ଚୀନର ଆକ୍ରମଣାତ୍ମକ ରଣନୀତି ଚୀନର କମ୍ୟୁନିଷ୍ଟ ପାର୍ଟିର ଅସଲ ଚେହେରାକୁ ପଦାରେ ପକାଇଛି । ଏମିତିକି ଭାରତର ଚୀନ ଆପ୍ସକୁ ବ୍ୟାନ କରିବା ନିଷ୍ପତ୍ତିକୁ ସମର୍ଥନ କରିଛି ଆମେରିକା ।“
ଭାରତ କୁ ଫ୍ରାନ୍ସ ର ସମର୍ଥନ ମଧ୍ୟ ମିଳିଛି । ଫ୍ରାନ୍ସର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହଙ୍କୁ ଚିଠି ଲେଖି ସମର୍ଥନ ବାବଦରେ ଜଣାଇ କହିଛନ୍ତି ଯେ,“ଫ୍ରାନ୍ସ ସେନା ଭାରତ ସହିତ ରହିଛି ।”
ସେହିପରି ଜାପାନ, ଅଷ୍ଟ୍ରେଲିଆ ଏବଂ ଏସିଆନ୍ ଦେଶର ନେତା ମାନେ ଚୀନ କୁ ବିରୋଧ କରି ଭାରତ କୁ ନିଜର ସମର୍ଥନ ଜଣାଇଛନ୍ତି।
