ପାଟଣା ୨୪/୧୦: ବିହାର ନିର୍ବାଚନକରେ ହିଂସା , ଶିବହର ଜିଲ୍ଲାର ଜଣେ ବିଧାୟକ ପ୍ରାର୍ଥୀଙ୍କୁଗୁଳିମାଡ଼ ଘଟଣାକୁ ନେଇ ଦେଶରେ ଚର୍ଚ୍ଚା ଚାଲିଛି। ଜନତା ଦଳ ରାଷ୍ଟ୍ରବାଦି ପାର୍ଟିର ପ୍ରାର୍ଥୀ ଶ୍ରୀନାରାୟଣ ସିଂହଙ୍କୁ ଗୁଳିମାଡ଼ ହୋଇଥିବା ବେଳେ ଗୁରୁତର ଅବସ୍ଥାରେ ତାଙ୍କୁ ଶିବହର ସଦର ମେଡିକାଲରେ ଭର୍ତ୍ତି କରାଯାଇଥିଲା ।ସେଠାରେ ତାଙ୍କର ଅବସ୍ଥା ଆହୁରି ଗୁରୁତର ହେବାରୁ ଡାକ୍ତର ଅନ୍ୟ ଡାକ୍ତରଖାନାକୁ ରେଫର କରିଦେଇଥିଲେ। କିନ୍ତୁ ରାସ୍ତାରେ ହିଁ ତାଙ୍କର ମୃତ୍ୟୁ ହୋଇଥିଲା ।
ସୂଚନାନୁଯାଇ ପୁରନାୟିଆ ଥାନା ଅନ୍ତର୍ଗତ ହଥସାର ଗାଁ ନିକଟରେ ଶ୍ରୀନାରାୟଣଙ୍କୁ ଗୁଳିମାଡ଼ ହୋଇଛି। ଶ୍ରୀନାରାୟଣଙ୍କ ଛାତିରେ ଗୁଳି ବାଜିଥିବା ନେଇ ଏସଡିପିଓ ସୂଚନା ଦେଇଥିଲେ।ଗୁରୁତର ଅବସ୍ଥାରେ ଶ୍ରୀନାରାୟଣଙ୍କୁ ସଦର ହସ୍ପିଟାଲରେ ଭର୍ତ୍ତି କରାଯାଇଥିଲା । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଥିଲା। ହେଲେ ନାରାୟଣ ଙ୍କ ନାଁରେ ୨୪ଟିରୁ ଅଧିକ ଅପରାଧିକ ମାମଲା ଥିଲା ବୋଲି ପୋଲିସ୍ ସୂତ୍ରରୁ ସୂଚନା ମିଳିଛି।ଏହି ଘଟଣାରେ ହାଥସର ଗାଁର ଶ୍ୟାମ ପ୍ରସାଦଙ୍କ ପୁଅ ଆଲୋକ ରଂଜନ (୨୮ ) ଗୁରୁତର ଆହତ ହୋଇଛନ୍ତି ,ତାଙ୍କୁ ଚିକିତ୍ସା ପାଇଁ ସୀତାମାରୀ ସହରର ଏକ ଘରୋଇ ଡାକ୍ତରଖାନାରେ ଭର୍ତ୍ତି କରାଯାଇଛି।
ଘଟଣା ପରେ ଅଞ୍ଚଳରେ ଉତ୍ତେଜନା ଲାଗିରହିଛି। ଶ୍ରୀନାରାୟଣ ସିଂଙ୍କୁ ହତ୍ୟା କରିବାର ଷଡଯନ୍ତ୍ର ସୀତାହାରୀ ଜେଲରୁ ନିଆଯାଇଛି ବୋଲି ଏକ ଆଲୋଚନା ହେଉଛି। ଏହି କାରଣରୁ ତାଙ୍କୁ ଆକ୍ରମଣ କରାଯାଇଥିଲା। ତେବେ ତଦନ୍ତ ଚାଲିଛି ବୋଲି ଏସପି ସନ୍ତୋଷ କୁମାର କହିଛନ୍ତି। ତିରୁହାଟ ଅଞ୍ଚଳର ଆଇଜି ଗଣେଶ କୁମାର ମଧ୍ୟ ସୀତାମାରିରେ ପହଞ୍ଚିଥିଲେ। ନିର୍ବାଚନ ବର୍ତ୍ତମାନ ପାଇଁ ସ୍ଥଗିତ ରଖାଯିବା ନେଇ ଏଭଳି କଳ୍ପନାଜଳ୍ପନା କରାଯାଉଥିଲା। କିନ୍ତୁ, ନିର୍ବାଚନ ପ୍ରକ୍ରିୟା ଜାରି ରଖିବାକୁ ଡିଏମ୍ କହିଛନ୍ତି।
