ଭୁବନେଶ୍ୱର(ବାସ୍ତବ ବ୍ୟୁର):ଭୁବନେଶ୍ୱର ଆଞ୍ଚଳିକ ପାଣିପାଗ ବିଭାଗ ପକ୍ଷରୁ ସୂଚନା ଦିଆଯାଇଛି କି ଆସନ୍ତା ୨୪ ଘଣ୍ଟା ମଧ୍ୟରେ ମୟୁରଭଞ୍ଜ,କେନ୍ଦୁଝର,ବଲାଙ୍ଗିର,ସୋନପୁର,ବୌଦ୍ଧ,ବାଲେଶ୍ୱର,ଭଦ୍ରକ,ଯାଜପୁର,କଟକ ଓ ଖୋର୍ଦ୍ଧା | ଏହି ୧୦ଟି ଜିଲ୍ଲାରେ ଝଡ ତୋଫାନ ହେବାର ସମ୍ଭାବନା ରହିଛି |
ସୂଚନା ଅନୁଯାୟୀ ପୂର୍ବ ଉତ୍ତରପ୍ରଦେଶରୁ ଓଡିଶା ଦେଇ ଉତ୍ତର ତାମିଲ ନାଡୁକୁ ଏକ ଟ୍ରଫ ଲାଇନ ରହିଛି | ଏହାର ପ୍ରଭାବରେ ମାଲକାନଗିରି,କୋରାପୁଟ,ରାୟଗଡା,କଳାହାଣ୍ଡି,କନ୍ଧମାଳ,ବଲାଙ୍ଗିର,ନବରଙ୍ଗପୁର ଜିଲ୍ଲାରେ ବର୍ଷା ହେବ |ଏହା ସହ ବଲାଙ୍ଗିର,ସୋନପୁର,କନ୍ଧମାଳ ଓ କଳାହାଣ୍ଡି ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷାର ସମ୍ଭାବନା ରହିଛି | ଏହି ଜିଲ୍ଲା ଗୁଡିକୁ ଛାଡିଦେଲେ ରାଜ୍ୟର ଅନ୍ୟ ଜିଲ୍ଲା ଗୁଡିକରେ ଆସନ୍ତା ୨୪ ଘଣ୍ଟା ମଧ୍ୟରେ ସ୍ୱଳ୍ପରୁ ମଧ୍ୟମ ଧରଣ ବର୍ଷା ହୋଇପାରେ |
