ବାସ୍ତବ ବ୍ୟୁରୋ-ରାଜ୍ୟରେ କୋଭିଡ୍ -୧୯ ପାଇଁ ହୋଇଥିବା ଲକ୍-ଡାଉନ୍ ଏବଂ ଏଥିପାଇଁ ପାଠପଢ଼ାରେ କ୍ଷତି ବିଷୟକୁ ବିଚାର କରି, ଆସନ୍ତା ୧୧ ତାରିଖରୁ ରାଜ୍ୟର ସମସ୍ତ ସରକାରୀ ଓ ବେସରକାରୀ ମହାବିଦ୍ୟାଳୟ ଓ ବିଶ୍ୱବିଦ୍ୟାଳୟ ଖୋଲିବାକୁ ଉଚ୍ଚ ଶିକ୍ଷା ବିଭାଗ ପକ୍ଷରୁ ବିଜ୍ଞପ୍ତି ଜାରି ହୋଇଛି। ଶେଷ ସେମିଷ୍ଟର ପରୀକ୍ଷା ଦେବାକୁ ଥିବା ଛାତ୍ରଛାତ୍ରୀଙ୍କ ପାଇଁ ମହାବିଦ୍ୟାଳୟ ଓ ବିଶ୍ୱବିଦ୍ୟାଳୟ ଖୋଲିବ ବୋଲି ଏଥିରେ କୁହାଯାଇଛି।
ୟୁଜି/ପିଜି, ପିଏଚଡି, ଏମ୍ ଫିଲ୍ ଛାତ୍ରଛାତ୍ରୀ ଓ ରିସର୍ଚ୍ଚ ସ୍କଲାରଙ୍କ ପାଇଁ ଜାନୁଆରି ୧୦ ତାରିଖରୁ ହଷ୍ଟେଲ ଖୋଲିବାକୁ ବି ଉଚ୍ଚ ଶିକ୍ଷା ବିଭାଗ ନିଷ୍ପତ୍ତି ନେଇଛି।
ଉଚ୍ଚଶିକ୍ଷା ବିଭାଗର ବିଜ୍ଞପ୍ତି ଅନୁଯାୟୀ, ମାର୍ଚ୍ଚ ୧୫ ଯାଏଁ ଡିଗ୍ରୀ କଲେଜ ଓ ବିଶ୍ୱବିଦ୍ୟାଳୟରେ ପାଠ ପଢା ଜାରି ରହିବ । ଏହି ସମୟରେ ବାକି ଥିବା ଶେଷ ସେମିଷ୍ଟାରର ମଧ୍ୟ ପରୀକ୍ଷା କରାଯିବ । ମାର୍ଚ୍ଚ ୧୫ ରୁ ୩୧ ଯାଏ ପରୀକ୍ଷା କରାଯିବ । ଏପ୍ରିଲ ୩୦ରେ ବାହାରିବ ସେମିଷ୍ଟାର ପରୀକ୍ଷା ଫଳ । ତେବେ ପ୍ରକାଶିତ ବିଜ୍ଞପ୍ତି ଅନୁଯାୟୀ, ସମସ୍ତ କଲେଜ ଓ ବିଶ୍ୱବିଦ୍ୟାଳୟ କୋଭିଡ଼ ଗାଇଡଲାଇନ୍ ଅନୁଯାୟୀ ଖୋଲାଯିବ ।
କଣ୍ଟେନମେଣ୍ଟ ଜୋନ୍ରେ ଯଦି ଛାତ୍ରଛାତ୍ରୀମାନେ ରହୁଥିବା, ତେବେ ସେମାନଙ୍କୁ କଲେଜ ଓ ବିଶ୍ୱବିଦ୍ୟାଳୟ ଆସିବା ଉପରେ କଟକଣା ଲଗାଯାଇଛି । ଛାତ୍ରାଛ୍ରାତୀମାନେ ମାସ୍କ ଓ ସାମାଜିକ ଦୂରତା ରଖିବା ବାଧ୍ୟତାମୂଳକ ରହିଛି । ଶ୍ରେଣୀ ଗୃହରେ ଛାତ୍ରାଛାତ୍ରୀମାନେ ଅତିକମ୍ରେ ୬ ଫୁଟ୍ ଦୂରତାରେ ବସିବେ । କଲେଜ ଓ ବିଶ୍ୱବିଦ୍ୟାଳୟ ପରିସରରେ କେହି ବି ଛେପ ପକାଇପାରିବେ ନାହିଁ ।
