ବାସ୍ତବବ୍ୟୁରୋ :ଜମ୍ମୁ-କଶ୍ମୀର କତ୍ରା ନିକଟରେ ଭୂକମ୍ପ ଝଟକା ଅନୁଭୂତ ହେବାରୁ ଲୋକଙ୍କ ମନରେ ଭୟର ସୃଷ୍ଟି ହୋଇଛି। ରିକ୍ଟର ସ୍କେଲରେ ଭୂମ୍ପକର ତୀବ୍ରତା ୫.୧ ରେକର୍ଡ କରାଯାଇଛି। ଭୂକମ୍ପର ଝଟକା କିସ୍ତିୱାର ଓ ଉଦ୍ଧମପୁରରେ ମଧ୍ୟ ଅନୁଭୂତ ହୋଇଛି।
ଏଥିରେ ଅଧିକ କ୍ଷୟକ୍ଷତି ଘଟିଥିବା ଆଶଙ୍କା କରାଯାଉଛି। ତେବେ ରିପୋର୍ଟ ଲେଖା ହେବା ବେଳରୁ କ୍ଷୟକ୍ଷତି ସମ୍ପର୍କରେ ବିସ୍ତୃତ ସୂଚନା ମିଳିନାହିଁ। ମିଳିଥିବା ଖବର ଅନୁସାରେ , କତ୍ରାର ଉତ୍ତର ପୂର୍ବ ଦିଗର ୬୩ କିମି ଦୂର ହେଉଛି ଭୂକମ୍ପର କେନ୍ଦ୍ରସ୍ଥଳ। ସନ୍ଧ୍ୟା ୭.୩୨ରେ ଭୂପୃଷ୍ଠର ୫ କିମି ଗଭୀରେ ଭୂକମ୍ପ ସୃଷ୍ଟି ହୋଇଥିଲା।
ଝଟକା ଅନୁଭୂତ ହେବା ପରେ ଲୋକମାନେ ଘର ବାହାରକୁ ଚାଲିଆସି ଖୋଲା ସ୍ଥାନରେ ଛିଡ଼ା ହୋଇଥିଲେ। ଏବେ ପ୍ରାଶସନ ପକ୍ଷରୁ କ୍ଷୟକ୍ଷତିର ଆକଳନ କରାଯାଉଥିବା ଜଣାପଡ଼ିଛି। ଡୋଡାର ଜିଲ୍ଲା ମାଜିଷ୍ଟ୍ରେଟ ଲୋକଙ୍କୁ ଆତଙ୍କିତ ନ ହେବାକୁ ପରାମର୍ଶ ଦେଇଛନ୍ତି। ସେହିପରି ସବୁ ତହସିଲଦାରକୁ କ୍ଷୟକ୍ଷତିର ଆକଳନ କରିବାକୁ ମଧ୍ୟ କହିଛନ୍ତି।
