ବାସ୍ତବବ୍ୟୁରୋ 🙁 ପୁରୀ)କୁମ୍ଭାରପଡ଼ା ଥାନା ଅଂଚଳରେ ରହୁଥିବା ନାବାଳକକୁ ପୁରୀ ଟ୍ରାଫିକ ପୁଲିସ ୨୫ ହଜାର ଟଙ୍କାର ଜରିମାନା କରିଛି | ଗତକାଲି ମଧ୍ୟାହ୍ନରେ ଓଡି-୨୫ଜେ-୧୨୪୧ ନମ୍ବର ବିଶିଷ୍ଟ ଆପାଚି ଗାଡ଼ିକୁ ଚଳାଇ ବଳଗଣ୍ଡି ଛକପଟୁ ଡାକ୍ତରଖାନା ଛକ ଦେଇ ଯାଉଥିବା ନା-ବାଳକକୁ ,ଟ୍ରାଫିକ୍ ଏଏସ୍ଆଇ ବିଜୟ କୁମାର ପାଇକରାୟ ଅଟକାଇଥିଲେ ।
ନାବାଳକଙ୍କୁ ଡ୍ରାଇଭିଂ ଲାଇସେନ୍ସ ମାଗିବାରୁ ସେ ଦେଖାଇ ପାରିନଥିଲେ। ଯାଞ୍ଚ କଲାପରେ ମିଳିଥିବା ଆଧାର କାର୍ଡରେ ତାଙ୍କର ବୟସ ୧୬ ବର୍ଷ ହୋଇଥିବା ଜଣାପଡ଼ିଥିଲା | ନୂତନ ଟ୍ରାଫିକ୍ ନିୟମାନୁଯାୟୀ ଟ୍ରାଫିକ୍ ପୁଲିସ ଜରିମାନା ଆଦାୟ କରିବା ଆଇନ ସମ୍ମତ ହୋଇନଥିବାରୁ ସେମାନେ ଏହାକୁ ଆଞ୍ଚଳିକ ପରିବହନ କାର୍ଯ୍ୟାଳୟକୁ ପଠାଇ ଦେଇଥିଲେ। ଜୋରିମାନା ଅର୍ଥକୁ ନାବାଳକର ଅଭିଭାବକ କୋର୍ଟରେ ଜମା ଦେବା ପରେ ସେ ତାଙ୍କ ଗାଡ଼ିଟିକୁ ଫେରିପାଇବେ ବୋଲି ପୁଲିସ ସୂତ୍ରରୁ ଜଣାପଡିଛି ।
