ବାସ୍ତବବ୍ୟୁରୋ:(ପୁରୀ) ଶ୍ରୀମନ୍ଦିର ଚତୁପାର୍ଶ୍ୱ ସୁରକ୍ଷା ଜୋନ୍ ଏବଂ ଐତିହ୍ୟ କରିଡର୍ ପାଇଁ ଜମି ଅଧିଗ୍ରହଣ ନିମନ୍ତେ ଜନ ଶୁଣାଣି ଆଜି ସକାଳ ୯ ଟାରୁ ଆରମ୍ଭ ହୋଇଛି।
ନୀଳାଦ୍ରି ଭକ୍ତ ନିବାସରେ ଏହି ଜନ ଶୁଣାଣିରେ ଅଧ୍ୟକ୍ଷତା କରୁଛନ୍ତି ପୁରୀର ଅତିରିକ୍ତ ଜିଲ୍ଲାପାଳ ଏବଂ ଉପଜିଲ୍ଲାପାଳ। ସୁରକ୍ଷା ଜୋନ୍ ଏବଂ ଐତିହ୍ୟ କରିଡର୍ କାରଣରୁ ବାସେଳୀ ସାହିର ୨ ଓ ୩, ମଣିକର୍ଣ୍ଣିକା ସାହିର ୪ ଓ ୯, କାଳିକାଦେବୀ ସାହିର ୧୨, ଦୋଳମଣ୍ଡପ ସାହିର ୧୫ ଓ ଚୂଡ଼ାଙ୍ଗ ସାହିର କିଛି ପ୍ରଭାବିତ ହୋଇଛନ୍ତି। ଉପରୋକ୍ତ ସାହିଗଡ଼ିକର ଜମି ହରାଉଥିବା ବାସିନ୍ଦାମାନଙ୍କୁ ନେଇ ଜିଲ୍ଲା ପ୍ରଶାସନ ଏହି ଜନ ଶୁଣାଣି କରୁଛି। ଏହି ଐତିହ୍ୟ କରିଡର୍ ନିମନ୍ତେ ପ୍ରାୟ ୯୦% ଜମି ଅଧିଗ୍ରହଣ ସରିଥିଲେ ମଧ୍ୟ ବାକି ଜମି ବିବାଦୀୟ ଅବସ୍ଥାରେ ରହିଛି। ଜନ ଶୁଣାଣି କରି ସମ୍ପୃକ୍ତ ଜମି ସବୁ ତୁରନ୍ତ ଅଧିଗ୍ରହଣ କରିବାକୁ ପ୍ରଶାସନ ଉଦ୍ୟମ ଜାରିରହିଛି ।
