ବାସ୍ତବବ୍ୟୁରୋ :କୋଭିଡର ପ୍ରଥମ ଡୋଜ୍ ଟିକା ନେବା ପରେ ଭିଜିଲାନ୍ସ ବିଭାଗର ଜଣେ ଏସ୍ପି କରୋନାରେ ଆକ୍ରାନ୍ତ ।ସୂଚନାନୁଯାୟୀ ପଜିଟିଭ ଚିହ୍ନଟ ହେବା ପରେ ତାଙ୍କୁ ୬ ସପ୍ତାହ ପର୍ଯ୍ୟନ୍ତ ଦ୍ୱିତୀୟ ଡୋଜ୍ ଟିକା ନେବାକୁ ମନା କରାଯାଇଛି ।
ଜାନୁଆରୀ ୧୬ ତାରିଖରୁ କଟକରେ କରୋନା ଟିକାକରଣ ଆରମ୍ଭ ହୋଇଛି ।ହେଲେ ଏପରି ଘଟଣା କଟକ ଜିଲ୍ଲା ପାଇଁ ପ୍ରଥମ,କାହିଁକିନା ଏପର୍ଯ୍ୟନ୍ତ ଟିକା ନେବା ପରେ କଟକରେ କେହି କରୋନା ସଂକ୍ରମିତ ହୋଇନାହାନ୍ତି । ସଂପୃକ୍ତ ଏସ୍ପି ଦ୍ୱିତୀୟ ଡୋଜ୍ ଟିକା ନେଇନଥିବାରୁ ତାଙ୍କର ଟିକାକରଣ ସଂପୂର୍ଣ୍ଣ ହୋଇନାହିଁ ।
ଏହି ଘଟଣାକୁ ନେଇ ଡାକ୍ତରଙ୍କ କହିବାନୁଯାୟୀ, ଦ୍ୱିତୀୟ ଡୋଜ୍ ନେବାର ୨୮ ଦିନ ପରେ ଶରୀରରେ କରୋନା ପ୍ରତିରୋଧକ କ୍ଷମତା ସୃଷ୍ଟି ହୋଇଥାଏ । ତେଣୁ ଏସ୍ପି ଙ୍କ ପ୍ରଥମ ଡୋଜ୍ ଟିକା ନେବା ପରେ କରୋନା ଆକ୍ରାନ୍ତ ହେବା ଆଶ୍ଚର୍ଯ୍ୟଜନକ କଥା ନୁହେଁ । କିନ୍ତୁ ଏଭଳି ଘଟଣା ଟିକାର ସଫଳତାକୁ ପ୍ରଶ୍ନବାଚୀ ସୃଷ୍ଟି କରିଛି |
