୭ ବର୍ଷରେ ଦ୍ୱିଗୁଣ ହେଲା ଏଲପିଜି ସିଲିଣ୍ଡର ମୂଲ୍ୟ -ଥିଲା ୪୧୦ ଆଜି ୮୧୯
ବାସ୍ତବବ୍ୟୁରୋ:ଏହି କରୋନା ମହାମାରୀ କାଳରେ ଆକାଷଛୁଅଁ ହୋଇଛି ପେଟ୍ରୋଲ, ଡିଜେଲ ଏବଂ ଗ୍ୟାସର ମୂଲ୍ୟ |ଏହି ବୃଦ୍ଧି ନେଇ ସମସ୍ତେ ଅସନ୍ତୋଷ ପ୍ରକାଶ କରୁଛନ୍ତି । ଯେଉଁଠାରେ ପେଟ୍ରୋଲ ଦେଶର ଅନେକ ଅଞ୍ଚଳରେ ୧୦୦ ଅତିକ୍ରମ କରିଛି। ଏଥି ସହିତ,ନିତ୍ୟ ଆବଶ୍ୟକତାର ମୁଖ୍ୟ ଅଙ୍ଗ ପାଲଟିଥିବା ଏଲପିଜି ଗ୍ୟାସ ସିଲିଣ୍ଡରର ମୂଲ୍ୟ ମଧ୍ୟ ଏକ ଜବରଦସ୍ତ ଲମ୍ପ ଦେଇଛି | ଲୋକସଭାରେ ପଚରାଯାଇଥିବା ଏକ ପ୍ରଶ୍ନର ଉତ୍ତରରେ ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି ଯେ ଗତ ସାତ ବର୍ଷ ମଧ୍ୟରେ ଏଲପିଜି ସିଲିଣ୍ଡରର ମୂଲ୍ୟ ଦ୍ୱିଗୁଣିତ ହୋଇଛି। ଏହି ଅବଧି ମଧ୍ୟରେ ସବସିଡି ମଧ୍ୟ ଧୀରେ ଧୀରେ ଶେଷ ହୋଇଛି | ବୁଦ୍ଧିଜୀବୀ ମହଲରେ ଚର୍ଚ୍ଚା ହୂଏକି ସାଧାରଣ ଜନତାଙ୍କ ପାଇଁ ଏହା ଶୁଭଙ୍କର ନୁହେଁ |
ସାତ ବର୍ଷ ମଧ୍ୟରେ LPG ସିଲିଣ୍ଡର ମୂଲ୍ୟ ୪୦୯ ଟଙ୍କା ବଢିଛି |
ଲୋକସଭାରେ ଲିଖିତ ଉତ୍ତରରେ ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି। ୧ ମାର୍ଚ୍ଚ ୨୦୧୪ ରେ, ଏକ ଗ୍ୟାସ ସିଲିଣ୍ଡରର ମୂଲ୍ୟ ୪୧୦ .୫୦ ଟଙ୍କା ଥିବାବେଳେ ଏହି ମାସରେ ଗ୍ୟାସ ସିଲିଣ୍ଡରର ମୂଲ୍ୟ ୮୧୯ ଟଙ୍କା ଛୁଇଁଛି। ଏହି ମୂଲ୍ୟ ଦିଲ୍ଲୀର, ବିଭିନ୍ନ ରାଜ୍ୟରେ ଏହାର ମୂଲ୍ୟରେ ସାମାନ୍ୟ ପାର୍ଥକ୍ୟ ଦେଖାଯିବ | ଗତ ୩୨ ଦିନରେ ଲପିଜି ମୂଲ୍ୟ ୧୨୫ଟଙ୍କା ବୃଦ୍ଧି ପାଇଛି |
୨୦୨୦ -୨୧ ବର୍ଷରେ ପେଟ୍ରୋଲିୟମ ଉତ୍ପାଦରୁ ଆୟ ୩ ଲକ୍ଷ କୋଟି |
ଆଜି ପେଟ୍ରୋଲ ଉପରେ ୩୨ .୯୦ ଟଙ୍କା ଏବଂ ଡିଜେଲ ଉପରେ ଲିଟର ପିଛା ୩୧ .୮୦ ଟଙ୍କା ଧାର୍ଯ୍ୟ କରାଯାଇଛି। ୨୦୧୮ ରେ ପେଟ୍ରୋଲ ଉପରେ ୧୭ .୯୮ ଟଙ୍କା ଏବଂ ଡିଜେଲ ଉପରେ ୧୩ .୮୩ ଟଙ୍କା ଏକ୍ସାଇଜ୍ ଡ୍ୟୁଟି ଥିଲା। ପେଟ୍ରୋଲିୟମ ମନ୍ତ୍ରୀ କହିଛନ୍ତି ଯେ ପେଟ୍ରୋଲ, ଡିଜେଲ, ଜେଟ ଇନ୍ଧନ, ପ୍ରାକୃତିକ ଗ୍ୟାସ, ଅଶୋଧିତ ତୈଳ ରୁ ସରକାର ୨୦୧୬ -୧୭ ରେ ୨ .୩୭ ଲକ୍ଷ କୋଟି ଟଙ୍କା ଆୟ କରିଥିବାବେଳେ ଜାନୁୟାରୀ ୨୦୨୧ ସୁଦ୍ଧା ସରକାର ଏହି ପେଟ୍ରୋଲିୟମ ଉତ୍ପାଦରୁ ୩ ଲକ୍ଷ କୋଟି ଟଙ୍କା ଆୟ କରିଛନ୍ତି।
