ଓଡ଼ିଶାରେ କରୋନାର ଦ୍ୱିତୀୟ ଲହର କ୍ରମେ କାୟା ବିସ୍ତାର କରିବାରେ ଲାଗିଛି ଦିନକୁ ଦିନ ବଢ଼ିବାରେ ଲାଗିଛି କରୋନା ସଂକ୍ରାମିତଙ୍କ ସଂଖ୍ୟା | ଶୁକ୍ରବାର (ଗତକାଲି) ନୂଆ ସଂକ୍ରମିତଙ୍କ ସଂଖ୍ୟା ୪୫୨କୁ ବୃଦ୍ଧି ହୋଇଥିବାବେଳେ ଆଜି ନୂଆ କରୋନା ସଂକ୍ରମିତଙ୍କ ସଂଖ୍ୟାରେ ୧୯ ବୃଦ୍ଧି ପାଇ ୪୭୧ ଜଣରେ ପହଂଚିଛି | ୨୭୮ ଜଣ କ୍ଵାରାଣ୍ଟିନରେ ଥିବାବେଳେ ୧୯୩ ଜଣ ସ୍ଥାନୀୟ ସଂକ୍ରମଣ ବୋଲି ଜଣାପଡିଛି |
ଏହାକୁ ମିଶାଇ ରାଜ୍ୟରେ ମୋଟ୍ କରୋନା ସଂକ୍ରମିତଙ୍କ ସଂଖ୍ୟା ୩୪୨୬୯୫ରେ ପହଞ୍ଚିଛି। ରାଜ୍ୟ ସୂଚନା ଓ ଲୋକସଂପର୍କ ବିଭାଗ ପକ୍ଷରୁ ଟ୍ବିଟ୍ ମାଧ୍ୟମରେ ମିଳିଥିବା ସୂଚନା ଅନୁଯାଇ ଆଜି ଅନୁଗୁଳରେ ୧୦ ଜଣ, ବାଲେଶ୍ୱରରେ ୧୫ ଜଣ, ବରଗଡ଼ରେ ୫ ଜଣ, ଭଦ୍ରକରେ ୬ ଜଣ, ବଲାଙ୍ଗୀରରେ ୩୬ ଜଣ, କଟକରେ ୨୨ ଜଣ, ଢେଙ୍କାନାଳ ଓ ଜଗତସିଂହପୁରରେ ଜଣେ ଲେଖାଏଁ ଚିହ୍ନଟ ହୋଇଛନ୍ତି |
ଏଥିସହ ଗଜପତିରେ ୨ ଜଣ, ଗଞ୍ଜାମରେ ୧୨ ଜଣ, ଯାଜପୁରରେ ୧୧ ଜଣ, ଝାରସୁଗୁଡାରେ ୨୩ ଜଣ, କଳାହାଣ୍ଡିରେ ୫୦ ଜଣ, କନ୍ଧମାଳରେ ୩ ଜଣ, କେନ୍ଦ୍ରାପଡାରେ ୨ ଜଣ, କେଉଁଝରରେ ଜଣେ, ଖୋର୍ଦ୍ଧାରେ ୪୦ ଜଣ, କୋରାପୁଟରେ ୭ ଜଣ, ମୟୁରଭଞ୍ଜରେ ୧୬ ଜଣ, ନବରଙ୍ଗପୁରରେ ୧୭ ଜଣ, ନୟାଗଡରେ ୪ ଜଣ, ନୂଆପଡାରେ ୪୨ ଜଣ, ପୁରୀରେ ୧୪ ଜଣ, ରାୟଗଡାରେ ୮ ଜଣ, ସମ୍ବଲପୁରରେ ୨୭ ଜଣ, ସୋନପୁରରେ ୨ ଜଣ,ଏବଂ ସବୁଠାରୁ ଅଧିକ ୮୫ ଜଣ କରୋନା ସଂକ୍ରମିତ ସୁନ୍ଦରଗଡରେ ଚିହ୍ନଟ ହୋଇଛନ୍ତି |
ଏଥି ମଧ୍ୟରେ ରାଜ୍ୟ ବାସୀଙ୍କ ମନରେ ପୁଣି ଲକଡାଉନର କୋକୋଆ ଭୟ ସୃଷ୍ଟି ହେବାର ଲାଗିଛି |ସ୍ୱଳ୍ପ ବେତନଭୋଗୀ ,ସାମାନ୍ୟ ମଧ୍ୟବିତ୍ତ ଓ ଶ୍ରମଜୀବୀଙ୍କ ଛାତିରେ ଦକା,କଣ ହେବ ପରିସ୍ଥିତି ସବୁଶେଇ କାଳିଆକୁ ଜଣା |
