ବାସ୍ତବବ୍ୟୁରୋ:ସମଗ୍ର ସୁନ୍ଦରଗଡ଼ ଜିଲ୍ଲାରେ ରାତି ୧୦ ରୁ ସକାଳ ୫ ଯାଏ ରାତ୍ରିକାଳୀନ କର୍ଫ୍ୟୁ ଲାଗୁ କରାଯାଇ ଥିବା ବେଳେ ଜିଲ୍ଲାରେ କରୋନା ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଉଥିବାରୁ,ବାଲିଶଙ୍କରା ବ୍ଲକର ବନଡେଗା ଓ ଲୁଲକିଡିହି ଗ୍ରାମକୁ ୫ ତାରିଖରୁ ମାଇକ୍ରୋ-କଣ୍ଟେନମେଣ୍ଟ ଜୋନ୍ ଘୋଷଣା କରାଯାଇଛି। ଜିଲ୍ଲା ବାସୀଙ୍କୁ ସଚେତନ କରାଯିବା ସହ ସଂକ୍ରମଣ ରୋକିବା ପାଇଁ କୋଭିଡ ନିୟମର ସମସ୍ତ ପଦକ୍ଷେପ ନିଆଯାଉଛି ।
ଏହି ଜୋନ୍ କୁ ୧୨ ତାରିଖ ପର୍ଯ୍ୟନ୍ତ ସଟଡାଉନ ରହିବା ପାଇଁ ଘୋଷଣା କରାଯାଇଛି । ଏଥିସହ ସବଡେଗା ବ୍ଲକର ମୁଖ୍ୟ ବଜାର ଏବଂ ସାପ୍ତାହିକ ହାଟକୁ ପ୍ରଶାସନତରଫରୁ ବନ୍ଦ କରାଯାଇଛି । ଜିଲ୍ଲାବାସୀଙ୍କୁ କୋଭିଡ ସାବଧାନତା ଅବଲମ୍ବନ କରିବାକୁ ସଚେତନ କରାଯାଉଛି । କୋଭିଡ ନିୟମ କେହି ନମାନିଲେ ଦୃଢ କାର୍ଯ୍ୟାନୁଷ୍ଠାନ ନେବାକୁ ପ୍ରଶାସନ ପକ୍ଷରୁ ନିଷ୍ପତ୍ତି ନିଆଯାଇଛି ।
