ବାସ୍ତବବ୍ୟୁରୋ: ଆଜିଠାରୁ ଆରମ୍ଭ ହେଲା (ସିଆଇଏସ୍ସିଇ) ଦ୍ବାରା ପରିଚାଳିତ ଆଇଏସ୍ସି(ଦ୍ବାଦଶ) ଶ୍ରେଣୀ ପରୀକ୍ଷା |ଏହା ୮ ଅପ୍ରେଲ( ଆଜି) ଆରମ୍ଭ ହୋଇ ଜୁନ୍ ୧୮ ରେ ଶେଷହେବ,ନିୟମ ଅନୁଯାଇ ଛାତ୍ରଛାତ୍ରୀଙ୍କୁ ପ୍ରଶ୍ନପତ୍ର ପରୀକ୍ଷାର ୧୫ ମିନିଟ୍ ପୂର୍ବରୁ ଦିଆଯିବ। ପରୀକ୍ଷା ସମୟରେ କଟକଣା ପାଳନ କରିବାକୁ ନିର୍ଦେଶ ଦିଆଯାଇଥିବା ବେଳେ ସିଆଇଏସ୍ସିଇ ପକ୍ଷରୁ କୁହାଯାଇଛି କି, ସ୍କୁଲ କର୍ତୃପକ୍ଷ ପ୍ରାକ୍ଟିକାଲ ପରୀକ୍ଷା ସମ୍ପର୍କରେ ନିଷ୍ପତ୍ତି ନେବେ।
ପରୀକ୍ଷା ସମୟରେ କୋଭିଡ ନିୟମକୁ କଡାକଡି ପାଳନ କରିବା ପାଇଁ ପରାମର୍ଶ ଦିଆଯାଇଛି। ସାମାଜିକ ଦୂରତା ରକ୍ଷା ଓ ମାସ୍କ ପିନ୍ଧିବାକୁ ବାଧ୍ୟତାମୂଳକ କରାଯାଇଥିବା ବେଳେ ନିଜସ୍ବ ସାନିଟାଇଜର ଆଣିବା, ହାତକୁ ବାରମ୍ବାର ମୁହଁରେ ନ ମାରିବାକୁ ମଧ୍ୟ ପରାମର୍ଶ ଦିଆଯାଇଛି।ପରୀକ୍ଷାର୍ଥୀ ନିଜର ପାଣି ବୋତଲ ଆଣିବେ ଯଦି ଚାହାନ୍ତି ଗ୍ଲୋଭ୍ସ ବ୍ୟବହାର କରିପାରିବେ। କାଶିବା ଓ ଛିଙ୍କିବା ସମୟରେ ପାଟି ଓ ନାକକୁ ଭଲ ଭାବେ ଘୋଡ଼ାଇବାକୁ କୁହାଯାଇଛି। ଅନ୍ୟ କାହା ସହ ଖାଦ୍ୟ ଓ ପାନୀୟ ବଣ୍ଟନ କରିବେ ନାହିଁ। ସ୍କୁଲ କ୍ୟାମ୍ପସ, ୱାସ୍ରୁମ୍, ଲାବରେଟୋରି, କ୍ଲାସରୁମ୍, ଲାଇବ୍ରେରି, ଖେଳ ପଡ଼ିଆରେ ଭିଡ଼ ନ କରିବାକୁ ପରାମର୍ଶ ଦିଆଯାଇଛି ।
