ବାସ୍ତବବ୍ୟୁରୋ : ଆଞ୍ଚଳିକ ପାଣିପାଗ ବିଭାଗ କାଳବୈଶାଖୀ ନେଇ ୬ ଜିଲ୍ଲାକୁ ସତର୍କ କରିଛନ୍ତି । ଏହି ୬ ଟି ଜିଲ୍ଲା ଗୁଡିକ ହେଲା ଅନୁଗୁଳ, ଢେଙ୍କାନାଳ, କଟକ, ନୟାଗଡ଼, ରାୟଗଡା ଓ କୋରାପୁଟ | ଅପରାହ୍ନରେ ବର୍ଷା ସାଙ୍ଗକୁ ବଜ୍ରପାତ ଏବଂ କୁଆପଥର ବର୍ଷା ଆଶଙ୍କା କରାଯାଇଛି।
ଏହି ସମୟରେ ଘଣ୍ଟାପ୍ରତି ୬୦ କିଲୋମିଟର ବେଗରେ ପବନ ବୋହିବାର ଆଶଙ୍କା ଅଛି |ଅନୁଗୁଳ ଜିଲ୍ଲା ସହ ଢେଙ୍କାନାଳ ଜିଲ୍ଲାର ହିନ୍ଦୋଳ, କଟକ ଜିଲ୍ଲାର ନରସିଂହପୁର, ବାଡମ୍ବା, ତିଗିରିଆ, ବାଙ୍କୀ, ଡମପଡା ଓ ନୟାଗଡ଼ ଜିଲ୍ଲାର ଗଣିଆ, ଖଣ୍ଡପଡ଼ା, ଭପୁର ଓ କୋରାପୁଟ ଜିଲ୍ଲାରେ ନାରାୟଣପାଟଣା, ବାନ୍ଧୁଗାଁ ଆଦି ଅଞ୍ଚଳରେ ଝଡ଼ତୋଫାନ ହେବାର ସମ୍ଭାବନା ଅଛି ।ଏହି ସମ୍ଭାବ୍ୟ କାଳ ବୈଶାଖୀ ପାଇଁ ପାଣିପାଗ ବିଭାଗ ଜନସାଧାରଣଙ୍କୁ ସତର୍କ କରାଇଛନ୍ତି ।
