ବାସ୍ତବବ୍ୟୁରୋ : ଆଜିଠାରୁ ରାଉରକେଲା ସହରରେ ସପ୍ତାହାନ୍ତ ସଟଡାଉନ,ସହରକୁ ଆସୁଥିବା ଛତିଶଗଡ଼, ଝାରଖଣ୍ଡ ଓ ବିହାର ସମସ୍ତ ବସ ଚଳାଚଳ ବନ୍ଦ l ଆଜି ରାଜ୍ୟର ସର୍ବାଧିକ ୫୨୩ ଜଣ କରୋନା ସଂକ୍ରମିତ ସୁନ୍ଦରଗଡ଼ରୁ ଚିହ୍ନଟହେବାପରେ l କରୋନାର ଭୟାବହତାକୁ ଦୃଷ୍ଟିରେ ରଖି ଆଜିଠୁ ସହରରେ ସପ୍ତାହାନ୍ତ ସଟଡାଉନ କରାଯାଇଛି l ଜିଲ୍ଲା ପୁଲିସର ୩୦ ଟି ଏନଫୋର୍ସମେଣ୍ଟ ଟିମ ଗଠନ କରାଯାଇ ଅମାନିଆ ଙ୍କୁ ଠିକ କରିବାକୁ ସ୍ଥିର ହୋଇଛି l
ଆଜି ସକାଳୁ ରାଉରକେଲା ଏସପି ମୁକେଶ କୁମାର ଭାମୁ, ପୁଲିସର ବରିଷ୍ଠ ଅଧିକାରୀ ଓ ସମସ୍ତ ଥାନା ଅଧିକାରୀଙ୍କୁ ଉଦିତନଗର ପରେଡ ପଡ଼ିଆକୁ ଡକାଇଥିଲେ l ଯାଞ୍ଚକୁ କଡାକଡ଼ି କରିବାକୁ ନିର୍ଦେଶ ଦେଇଛନ୍ତି l ସହରର ପ୍ରମୁଖ ୩୦ଟି ସ୍ଥାନ ଚିହ୍ନଟ କରାଯାଇ,ଏହି ସବୁ ସ୍ଥାନରେ ବରିଷ୍ଟ ପୁଲିସ ଅଧିକାରୀଙ୍କୁ ମୁତୟନ କରାଯାଇଛି l ୩୦ଟି ପିସିଆର ଭ୍ୟାନ ଜରିଆରେ ପାଟ୍ରୋଲିଂ ଆରମ୍ଭ ହୋଇଛି l ସହର ପ୍ରବେଶ ପଥ ପାନପୋଷ, ବିର୍ସା ମୁଣ୍ଡା ଛକରେ ବ୍ୟାପକ ପୁଲିସ ମୁତୟନ କରାଯିବା ସହ ଯାଞ୍ଚକୁ କଡାକଡ଼ି କରାଯାଇଛି l
