ବାସ୍ତବବ୍ୟୁରୋ:( ଭୁବନେଶ୍ୱର) ସବୁ କଳ୍ପନା ଜଳ୍ପନାର ଶେଷ ରାଜ୍ୟରେ ଲାଗିଲା ଲକଡାଉନ୍ । କରୋନା ସଂକ୍ରମଣର କାୟା ବିସ୍ତାରକୁ ରୋକିବାକୁ ଶେଷ କଡା ପଦକ୍ଷେପ ନେଲେ ରାଜ୍ୟ ସରକାର ।କରୋନା ସଂକ୍ରମଣ ଚେନରେ ବ୍ରେକ୍ ଦେବାକୁ ପ୍ରଧାନମନ୍ତ୍ରୀ କିଛିଦିନ ପୂର୍ବରୁ କହିଥିଲେକି ଲକଡାଉନ ଶେଷ ବିକଳ୍ପ ରୂପେ ନିଆଯାଉ ।ତାହା ଆଜି ଓଡ଼ିଶାରେ କାର୍ଯ୍ୟକାରୀ ହୋଇଛି| ରାଜ୍ୟ ସରକାର ରାଜ୍ୟରେ କରୋନା ଚେନ ଛିଡ଼ାଇବା ପାଇଁ ଲଗାଇଛନ୍ତି ୧୪ ଦିନିଆ ଲକଡାଉନ୍ ।
ରାଜ୍ୟ ସୂଚନା ଓ ପ୍ରସାରଣ ବିଭାଗ ପକ୍ଷରୁ ଲକଡାଉନ୍ ନେଇ ଘୋଷଣା କରାଯାଇଛି ।ରାଜ୍ୟରେ ଚଳିତ ମଇ ମାସ ୦୫ ତାରିଖ ବୁଧବାର ସକାଳ ଠାରୁ ୧୯ ତାରିଖ ବୁଧବାର ସକାଳ ପର୍ଯ୍ୟନ୍ତ ଲକ୍ଡାଉନ୍ । ଏହି ସମୟରେ ସମସ୍ତ ସାଧାରଣ ଚଳାଚଳ ବନ୍ଦ ରହିବ । କେବଳ ଜରୁରୀକାଳିନ ସେବା ଜାରି ରହିବ ।
ଏହି ସମୟରେ ୫ଶହ ମିଟର ଦୂରତା ମଧ୍ୟରେ ସକାଳ ୬ଟାରୁ ୧୨ଟା ମଧ୍ୟରେ ଚାଲି ଚାଲି ଯାଇ ପନିପରିବା ଓ ଜରୁରୀ ଦ୍ରବ୍ୟ କ୍ରୟ କରି ପାରିବେ। ସ୍ବାସ୍ଥ୍ୟସେବା ତଥା ଅନ୍ୟାନ୍ୟ ଜରୁରୀ ସେବା ପାଇଁ କୌଣସି କଟକଣା ନାହିଁ।
ଜରୁରୀ କାମ ନଥିଲେ ଘରୁ ନବାହାରିବାକୁ ପରାମର୍ଶ ଦିଆଯାଇଛି । ସମସ୍ତ ଦୋକାନ ବଜାର ଓ ପ୍ରତିଷ୍ଠାନ ବନ୍ଦ ରହିବ । ତେବେ କଟକଣା ସମୟରେ ସମସ୍ତ ମେଡିକାଲ, କ୍ଲିନିକ୍, ନର୍ସିଂ, ହୋମ୍, ମେଡିସିନ୍ ଷ୍ଟୋର ଆଦି ଖୋଲା ରହିବ । ରେଳ ଓ ବିମାନ ସେବା ମଧ୍ୟ ଜାରି ରହିବ ବୋଲି ସୂଚନା ଦିଆଯାଇଛି ।
