ବାସ୍ତବବ୍ୟୁରୋ: ସତରେ ଦୁଃଖ ଯେତେବେଳେ ଆସେ,ତାର ବନ୍ଧୁ ସହୋଦରଃଙ୍କୁ ସାଙ୍ଗରେ ଧରି ଆସେ ଏ କଥାର ଯଥାର୍ଥତା ଆଜି, ରାଜ୍ୟସଭା ସାଂସଦ ତଥା ବିଶିଷ୍ଟ ଭାସ୍କର୍ଯ୍ୟ ଶିଳ୍ପୀ ପଦ୍ମ ବିଭୂଷଣ ରଘୁନାଥ ମହାପାତ୍ରଙ୍କ ପରିବାରରେ ଦେଖିବାକୁ ମିଳିଛି |ମେ ମାସ ସେ ପରିବାରକୁ ଭସାଇ ଦେଇଛି ଦୁଃଖ ଦରୀଆରେ |ମେ’ ୯ ତାରିଖରେ କରୋନା ସଂକ୍ରମିତ ହୋଇ ଆଖି ବୁଜିଥିଲେ ରଘୁନାଥ ମହାପାତ୍ର।ଗତକାଲି ଅର୍ଥାତ୍ ମେ’ ୧୯ ତାରିଖରେ ପରପାରିକୁ ଡ଼ାକିନେଲେ ସାନ ପୁଅ ତଥା ପୂର୍ବତନ ରଣଜୀ କ୍ରିକେଟର ପ୍ରଶାନ୍ତଙ୍କୁ । ଶେଷରେ କରୋନାରେ ଆକ୍ରାନ୍ତ ହୋଇ ଶେଷ ନିଃଶ୍ୱାସ ତ୍ୟାଗ କରିଛନ୍ତି ତାଙ୍କ ବଡ଼ ପୁଅ ଯଶୋବନ୍ତ ମହାପାତ୍ର।
ସମସ୍ତେ କରୋନାରେ ଆକ୍ରାନ୍ତ ହୋଇ ଭୁବନେଶ୍ୱର ସ୍ଥିତ ଏମ୍ସରେ ଭର୍ତ୍ତି ହୋଇଥିଲେ। ତେବେ ରଘୁନାଥ ଓ ପ୍ରଶାନ୍ତଙ୍କ ମୃତ୍ୟୁ ପରେ ପରିବାର ଲୋକଙ୍କର ଏମ୍ସ ଉପରୁ ଆସ୍ଥା ତୁଟିଥିଲା ତେଣୁ ଗତକାଲି ଯଶୋବନ୍ତଙ୍କୁ ଭୁବନେଶ୍ୱରର ସମ ହସ୍ପିଟାଲ୍ କୋଭିଡ କେୟାର କୁ ସ୍ଥାନାନ୍ତର କରି ନେଇଥଲେ । ଡାକ୍ତରଙ୍କ ଶତ ଚେଷ୍ଟା ସତ୍ତ୍ୱେ ଆଜି ଦିନ ପ୍ରାୟ ଗୋଟାଏ ବେଳେ ସେ ଶେଷ ନିଃଶ୍ୱାସ ତ୍ୟାଗ କରିଥିଲେ।ମୃତ୍ୟୁ ବେଳକୁ ଯଶୋବନ୍ତଙ୍କୁ ୫୨ ବର୍ଷ ହୋଇଥିଲା।
