ଦେବକାନ୍ତ ମହାନ୍ତି,ଚାନ୍ଦବାଲି, ୨୧//୦୫//୨୦୨୧ : ଆଜି ଭଦ୍ରକ ଏସ. ପି .ଚରଣ ସିଂ ମିନା ଅଚାନକ ଚାନ୍ଦବାଲି ଗସ୍ତରେ ଆସି, ଚାନ୍ଦବାଲି ବଜାର ଓ ମତୋ ବଜାର ବୁଲି କୋଭିଡ଼ କଟକଣାର ସ୍ଥିତି ଅନୁଧ୍ୟାନ କରିଥିଲେ । ଦିନକୁ ଦିନ କରୋନା ପରିସ୍ଥିତି ଭୟଙ୍କର ରୂପ ନେଉଥିବାରୁ, ସାମାଜିକ ଦୂରତା ଓ ମାକ୍ସ ପରିଧାନ ଉପରେ ଗୁରୁତ୍ୱ ସହ ଅଯଥା ଗହଳି ନ କରିବାକୁ ପରାମର୍ଶ ଦେଇଥିଲେ ଶ୍ରୀ ସିଂ।
କାଳୀ ମନ୍ଦିର ଚେକ ପୋଷ୍ଟ ଓ ମତୋ ବଜାର ନିକଟରେ କିଛି ସମୟ ପାଇଁ ଗାଡି ମଟର ତଦାରଖ ମଧ୍ୟ କରିଥିଲେ । ଏସ. ପି ଙ୍କ ସହ ଏସଡିପିଓ ଉମା ଶଙ୍କର ମହାରଣା,ଚାନ୍ଦବାଲି ଥାନା ଅଧିକାରିଣୀ ପ୍ରଜ୍ଞା ମହାନ୍ତି ,ମତୋ ଫାଣ୍ଡି ଅଧିକାରି ବୁଦ୍ଧିରାମ ମହାନ୍ତି ପ୍ରମୁଖ ଉପସ୍ଥିତ ରହି ସ୍ଥିତି ତଦାରଖ କରିବା ସହ ଅମାନିଆ ମାନଙ୍କୁ ସାବାଡ କରିବାପାଇଁ ପରାମର୍ଶ ଦେଇଥିଲେ ଓ ଯେଉଁ ଦୋକାନୀ ମାନେ କୋଭିଡ କଟକଣା ଓ ସରକାରଙ୍କ ନିୟମକୁ ଉଲଂଘନ କରୁଛନ୍ତି ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିର୍ଦ୍ଦେଶ ଦେଇଥିଲେ।
