ବାସ୍ତବବ୍ୟୁରୋ:(କୋଣାର୍କ) କରୋନା ର ଲଢେ଼ଇ ରେ ହାରି ଯାଇଛନ୍ତି ଆଉ ଜଣେ ଯୋଦ୍ଧା ତଥା ଯୁବ ସାମ୍ବାଦିକ ସଂଗ୍ରାମ ମହାପାତ୍ର। ସେ ଦୈନିକ ଖବରକାଗଜ ସମୟ ରେ କୋଣାର୍କ ପ୍ରତିନିଧି ଥିଲେ। ଗତ ୨୩ରେ ତାରିଖ ଭୁବନେଶ୍ବର ର ଏକ ଘରୋଇ ହସ୍ପିଟାଲରେ ବିଳମ୍ବିତ ରାତ୍ରରେ ତାଙ୍କର ନିଧନ ହୋଇଛି । ମୃତୁ ବେଳକୁ ତାଙ୍କର ବୟସ ୪୩ ବର୍ଷ ହୋଇଥିଲା । ଏହି ଦୁଃଖଦ ଖବର ନେଇ ସାମ୍ବାଦିକ ମହଲରେ ଶୋକ ର ଛାୟା ଖେଳିଯାଇଛି ।
ସଂଗ୍ରାମ ଆଜକୁ ୮ ବର୍ଷ ହେବ ଭିନ୍ନଭିନ୍ନ ଖବରକାଗଜରେ କାର୍ଯ୍ୟ କରି ଆସୁଥିଲେ। ଗତ ୧୨ ତାରିଖରେ ପ୍ରଥମେ ଜ୍ୟୋର ହେବାରୁ ତାଙ୍କୁ କୋଣାର୍କ କୋଭିଡ୍ ମେଡିକାଲରେ ଚିକିତ୍ସା କରାଯାଇଥିଲା । ଧିରେ ଧିରେ ସ୍ବାସ୍ଥ୍ୟ ବିଗିବା ପରେ ତାଙ୍କୁ ପୁରୀ ସ୍ଥାନାନ୍ତରିତ କରାଯାଇଥିଲା। ସେଠାରେ ୫ ଦିନ ରଖିବା ପରେ ଭୂବନେଶ୍ୱର ପଠାଯାଇଥିଲା । ଭୁବନେଶ୍ବର ରେ ଏକ ଘରୋଇ ହସ୍ପିଟାଲ ରେ ଚିକିତ୍ସା ଚାଲିଥିଲା ବେଳେ ହଠାତ ଅକ୍ସିଜେନ ଲେବଲ୍ କମିଯିବାରୁ ତାଙ୍କର ମୁତୁ ହେବା ସୂଚନା ମିଳିଛି ।
