ଚୌଦ୍ୱାର:(ଦୀପକ୍ କୁମାର ବେଉରା) ଗତ ୧୮ ତାରିଖ ବିଳମ୍ବିତ ରାତିରେ ଚୌଦ୍ୱାର ଥାନା ଅନ୍ତର୍ଗତ ଆଗ୍ରାହଟ ଗ୍ରାମର ଭାଗ୍ୟଧର ବେହେରା ଙ୍କ ଘରୁ ହୋଇ ଥିବା ଲୁଟ ର ମହା ଖୁଳସା କରିଛି ଚୌଦ୍ୱାର ପୋଲିସ୍ ।
ଭାଗ୍ୟଧର ଙ୍କ ଘରୁ ସୁନା ଅଳଙ୍କାର ସହିତ ନଗଦ ଟଙ୍କା ଲୁଟ ହୋଇ ଥିବାର ଚୌଦ୍ୱାର ଥାନା ରେ ଲିଖିତ ଅଭିଯୋଗ ହୋଇଥିଲା।ଚୌଦ୍ୱାର ପୁଲିସ ଏହି ଅଭିଯୋଗକୁ ଭିତ୍ତି କରି ତଦନ୍ତ ଜାରି ରଖିଥିବା ବେଳେ ରାଜୁ ଦାସ (୨୫),ସଞ୍ଜୟ ଦାସ(୩୦),ବିଜୟ ଦାସ(୩୫),ଗଣେଶ ଦାସ(୩୦) ,ମହେଶ୍ୱର ପୃଷ୍ଟି(୬୩),ଭୀମସେନ ସାହୁ(୩୮) ଙ୍କୁ ଗିରଫ କରିବା ରେ ସଫଳ ହୋଇଛି।ସମସ୍ତ ଡକାୟତ ମାନେ କେଦ୍ରାପଡା ଜିଲ୍ଳା ଟାଉନ ଥାନା ଅନ୍ତର୍ଗତ ଇଚ୍ଛାପୁର ଗ୍ରାମ ର ସାମଗୁଡ଼ିଆ ଅଞ୍ଚଳର ବୋଲି ପୁଲିସ ସୂତ୍ର ରୁ ଜଣା ପଡ଼ିଛି।
ଡକାୟତ ମାନଙ୍କ ନିକଟ ରୁ ଲୁଟ ହୋଇଥିବା ଗୋଟେ ସୁନା ମଙ୍ଗଳ ସୂତ୍ର ,୬ଟି ସୁନା ମୁଦି , ୧ ଯୋଡ଼ା ସୁନା ଶଙ୍ଖା ,୩ ଯୋଡ଼ା ସୁନା କାନ ଫୁଲ , ୨ଟି ସୁନା ଚେନ,୨ଯୋଡ଼ା ରୁପା ପାଉଁଜି ଜବତ କରାଯାଇଛି ।ଚୌଦ୍ୱାର ପୁଲିସ ଉକ୍ତ ୬ଜଣଙ୍କୁ କେସ ନଂ ୟୁ.ଏସ- ୩୯୫ ଆଇ.ପି.ସି ରେ ମାମଲା ରୁଜ୍ଜୁ କରି କୋର୍ଟ ଚାଲାଣ କରି ଥିବାର ପୋଲିସ ସୂତ୍ରରୁ ପ୍ରକାଶ କରାଯାଇଅଛି |
