ବାସ୍ତବବ୍ୟୁରୋ:(କଳାହାଣ୍ଡି) କରୋନା କାହାପାଇଁ ସର୍ବନାଶ ତ, କାହାପାଇଁ ପୁସମାସ କରୋନା ଟୀକାରେ କଳାବଜାରୀ ଅକ୍ସିଜେନର ସଙ୍କଟ ବଜାର ବନ୍ଦ, ଚାକିରୀ ନାହିଁ ଅଛିତ ଅଧା ଦରମା , କେତେ କେଜି ରାସନ କଣ ସମାଧାନ ? ଗରିବର ପେଟରେ ଗରିବିର ଭୋକ | ଚାଷୀର କ୍ଷେତରେ ଉଝଉଡୁଛି ଚାଷ। କେତେକଙ୍କ ଭାଗ୍ୟରେ ଦୁଇଓଳି,ଦୁଇମୁଠା ଖାଇବାକୁ ମଧ୍ୟ ମିଳୁନି ।ଏଭଳି ସମୟରେ ନିଜ କଷ୍ଟ ଉପାର୍ଜିତ ଚାଷ ଉଜୁଡ଼ି ଗଲେ ଚାଷୀ କିଭଳି ବା, ସହ୍ୟ କରିପାରିବ ? ଅପର ପକ୍ଷେ ସନ୍ତୁଳନ ରକ୍ଷା କରିବାରେ ପ୍ରଶାସନିକ ସ୍ତରରେ ବିଫଳତା ,ବୋଝ ଉପରେ ନଳିତା ବିଡା ହୋଇ ଠିଆ ହେବା ବାସ୍ତବିକ ପରିତାପର ବିଷୟ ପାଲଟିଛି ।
କଳାହାଣ୍ଡି ଜିଲ୍ଲା,କଲମପୁର ବ୍ଲକ ଅନ୍ତର୍ଗତ ମିନଗୁର ଗ୍ରାମପଞ୍ଚାୟତ ମାଟିଖାଲ ଗ୍ରାମର ୨୧ ଜଣ ତରଭୁଜ ଚାଷୀଙ୍କ ତରଭୁଜ ଚାଷୀଙ୍କୁ ନିରିଖେଇ ଦେଖିଲେ ଏସବୁ ଜଳ ଜଳ ଭାବେ ବାରିହୋଇ ପଡୁଛି । ଚାଷ ଜମିରେ ତରଭୁଜ ଫଳି ସେଠାରେ ହିଁ ସଢ଼ୀ ଯାଉଛି । ଏହାର କାରଣ ହେଉଛି କରୋନା କଟକଣା ସହିତ ମାନ୍ଦା ବଜାର ବ୍ୟବସ୍ଥା । ଏମାନଙ୍କୁ ଥଇଥାନ କରିବାରେ ପ୍ରଶାସନ ସମ୍ପୂର୍ଣ୍ଣ ଅଣଦେଖା କରିଥିବା ତରଭୁଜ ଚାଷୀ – ଜଟିଆ ଦଳପତି, ଧନୁର୍ଯ୍ୟ ଦଳପତି, ଜଗଜୀବନ ମାଝୀ, ଗୋପାଳ ଦଳପତି, ସୁନାଦେଇ ଦଳପତି, ଭଜମନ ଦଳପତି, ହେମନ୍ତ ଦଳପତି ପ୍ରମୁଖ ଅଭିଯୋଗ କରିଛନ୍ତି ।
ବର୍ଷ ତମାମ କଲମପୁର ଉଦ୍ୟାନ ବିଭାଗ କାର୍ଯ୍ୟାଳୟଟି ତାଲା ବନ୍ଦ ହୋଇ ପଡି ରହିଛି ।ଜିଲ୍ଲା ପ୍ରଶାସନର ଜ୍ଞାତ ସାରରେ ଏଭଳି କାର୍ଯ୍ୟ ସମ୍ପାଦିତ ହେଉଥିବାରୁ ପ୍ରଶାସନର ପାରିଲା ପଣିଆ ଉପରେ ପ୍ରଶ୍ନବାଚି ସୃଷ୍ଟି ହୋଇଛି । କଲମପୁର ଅଂଚଳରେ ଶୀତଳ ଭଣ୍ଡାରର ଶୂନ୍ୟତା ଚାଷୀଙ୍କ ମୁଣ୍ଡ ବିନ୍ଧାର କାରଣ ପାଲଟିଥିବା ବେଳେ, କେବଳ ମାଟିଖାଲ ନୁହେଁ ସମଗ୍ର କଲମପୁର ଅଂଚଳରେ ଏଭଳି ଦୁରାବସ୍ତା ଦେଖିବାକୁ ମିଳିଛି । ତରଭୁଜ ଚାଷୀ ମାନଙ୍କୁ ସହାୟତା ଯୋଗାଇ ନଦେଲେ ଚାଷୀ ଆତ୍ମହତ୍ୟାକୁ ଏଡାଇ ଦିଆଯାଇନପରେ ।
