ବାସ୍ତବବ୍ୟୁରୋ:ନି.ପ୍ର (ଚାନ୍ଦବାଲି) କଳା ପାଣି ଦୀପରେ ଦିନ କାଟିବା ଭଳି ଜୀବୀନ ଅତିବାହିତ କରୁଛନ୍ତି ତିହିଡ଼ି ବ୍ଳକ ରାଜନଗର ପଂଚାୟତ କରଡ଼ିପାଳ ଗାଁ ବାସିନ୍ଦା , ବର୍ଷା ଦିନ ୪ମାସ ଗାଁ ଲୋକଙ୍କ ପାଇଁ ଆସେ ଚରମ ଦୁଃଖ ,ବର୍ଷା ସମୟରେ ଜଳବନ୍ଦୀ ଭାବରେ ରହିଥାନ୍ତି ଏହି ଗାଁର ଅଧିବାସୀ ମାନେ । ନିଜ ଗାଁକୁ ନିଜସ୍ୱ ଉଦ୍ୟମରେ ଗାଁ ଲୋକେ କରିଥିଲେ ଏକ ପାଦଚଲା ମାଟି ରାସ୍ତା , ଏବେ ସେହି ରାସ୍ତାଟି ବାତ୍ୟା ‘ୟାସ’ର ଅତ୍ୟଧିକ ଲୁଣି ଜୁଆର ରାସ୍ତାଟି ଭାଙ୍ଗିରୁଜି ଯାଇଛି । ଲୋକେ ପ୍ରତିଦିନ ଆଂଠୁଏ ପାଣିରେ ନିଜର ଦୈନଦିନ ଜୀବନ ବିତାଉଛନ୍ତି ଗ୍ରାମବାସୀ । ଏବେ ପୁଣି ବାତ୍ୟା ୟାସ ପ୍ରଭାବରେ ମୁଖ୍ୟ ରାସ୍ତା ସଂଲଗ୍ନ ଫୁଟ୍ ବ୍ରିଜଟି ଭାସି ଯାଇଛି ।
ତିହିଡ଼ି ବ୍ଲକ ରାଜନଗର ପଂଚାୟତ ଅଧିନରେ ରହୁଛି ଏହି ଗାଁ ଉପରେ ପ୍ରଶାସନ ଦିର୍ଘ ଦିନ ହେବ ଅଣଦେଖା କରୁଛି । ସମସ୍ତ ମୌଳିକ ଅଧିକାରରୁ ବଂଚିତ ହେଉଛନ୍ତି ଗ୍ରାମବାସୀ । କୁନକୁନି ପିଲା ମାନଙ୍କ ପାଇଁ ଗାଁରେ ନାହିଁ ଅଙ୍ଗନୱାଡ଼ି ଘର । ଗାଁ ଠୁ ମୁଖ୍ୟ ରାସ୍ତା ୧ କିମି ପଦଚଲା ରାସ୍ତା ସହିତ କାଦୁଅ ରାସ୍ତା । ଶିକ୍ଷା ପାଇଁ ଗାଁରେ ପିଲା ମାନେ ନାହିଁ ନଥିବା ସମସ୍ୟା ଭୋଗ କରୁଛନ୍ତି । କରଡ଼ିପାଳ ଗାଁରେ ସମସ୍ତ ପରିବାର ଅନୁସୂଚିତ ଜାତିର ହୋଇଥିବା ବେଳେ ଅଧିକାଂଶ ଲୋକଙ୍କର ଅର୍ଥିକ ସ୍ଥିତି ଖରାପ ରହିଛି ।
ଗାଁରେ ୩୦ ପରିବାର ବହୁବାର ରାଜ ନେତାଙ୍କ ନିକଟରେ ଆପତି ପରେ ବିଧାୟକ ବିଷ୍ଣୁସେଠୀଙ୍କ ସମୟରେ ଗାଁ ମୁଣ୍ଡରେ ଏକ ଫୁଟ୍ ବ୍ରିଜ ନିର୍ମାଣ ହୋଇଥିଲା । ଦୀର୍ଘଦିନ ପରେ ନିର୍ବାଚନ ମଣ୍ଡଳୀ ପରିବର୍ତନ ହେବା ପରେ , ଏବେ ଏହି ଗାଁ ଉପରେ କାହାର ନଜର ରହୁନାହିଁ । ମୁଖ୍ୟତ ଗାଁ ମୁଣ୍ଡରେ ପୁରୁଣା ଫୁଟ୍ ବ୍ରିଜଟି ବାତ୍ୟାରେ ଭାଙ୍ଗଯିବା ପରେ ,ଏବେ ସେଠରେ ଏକ ଘାଇ ସୃଷ୍ଟି ହୋଇଛି । ଏବେ ଲୋକଙ୍କ ମଧ୍ୟରେ ଆନ୍ଦୋଳନ ପାଇଁ ଦାନା ବାନ୍ଧିଛି । ତୁରନ୍ତ ଗାଁକୁ ରାସ୍ତା ସହ ଫୁଟ୍ ବ୍ରିଜ ନିର୍ମାଣ କରିବାକୁ ଗ୍ରାମବାସୀ ଦାବୀ କରିଛନ୍ତି ।
