ବାସ୍ତବବ୍ୟୁରୋ:ନି.ପ୍ର (ସାଲେପୁର) କରୋନା ଦିନକୁ ଦିନ ଭୟଙ୍କର ରୂପ ଧାରଣ କରି ମାନବଜାତିକୁ ମହାସଂକଟ ମଧ୍ୟ କୁ ଟାଣିନେଉଛି । ଏଥିପାଇଁ ରାଜ୍ୟ ସରକାର ବିଭିନ୍ନ କଟକଣା ଜାରି କରି ସମସ୍ତ ଜନସାଧାରଣ ଙ୍କୁ ମାସ୍କ ପରିଧାନ, ସାନିଟାଇଜକରଣ ଓ ସାମାଜିକ ଦୂରତା ଉପରେ ଗୁରୁତ୍ୱାରୋପ କରିଛନ୍ତି । ଏଭଳି ସ୍ତିତି ରେ ଖୋଦ କଟକ ସଦର ବିଧାୟକ ଚନ୍ଦ୍ର ସାରଥୀ ବେହେରା ନିଶ୍ଚିନ୍ତକୋଇଲି ଗୋଷ୍ଠି ସ୍ୱାସ୍ତ୍ୟ କେନ୍ଦ୍ର ପରିସରରେ ଶହ ଶହ ସଂଖ୍ୟା ରେ ଆଶା, ଅଙ୍ଗନୱାଡି କର୍ମୀ, କୁଜି ନେତାମାନଙ୍କୁ ନେଇ କରୋନା ପାଇଁ କୀଟ୍ ପ୍ରଦାନ କରିଛନ୍ତି ।
ସୂଚନାନୁଯାୟୀ, ନିଶ୍ଚିନ୍ତକୋଇଲି ଗୋଷ୍ଠି ସ୍ୱାସ୍ତ୍ୟ କେନ୍ଦ୍ର ରେ ଗତ କିଛି ଦିନ ହେବ ବହୁ ପରିମାଣରେ କରୋନା ପଜିଟିଭ କେଶ୍ ବାହାରିଛି । ଯାଦ୍ୱାରାକି ସମଗ୍ର ବ୍ଲକ ଅଞ୍ଚଳର ଲୋକ ଭୟଭୀତ ଅବସ୍ଥାରେ ରହିଛନ୍ତି । ଏପରି ସ୍ତଳେ ବିଧାୟକ ଶ୍ରୀ ବେହେରା ଖୋଲମ ଖୋଲା ଭାବେ କୋଭିଡ ନିୟମକୁ ଉଲଘଂନ କରିବା ଘଟଣା ଟି ଆଲୋଚ୍ୟ ର ବିଷୟ ବସ୍ତୁ ପାଲଟିଛି । ଏଠାରେ ପ୍ରଶ୍ନ ଉଠେ ଏହି କୀଟ୍ ବଣ୍ଟନ କର୍ଯ୍ୟକ୍ରମରେ ନିଶ୍ଚିନ୍ତକୋଇଲି ବ୍ଲକ ଅଞ୍ଚଳର ଶତାଧିକ ଆଶା, ଅଙ୍ଗନୱାଡି କର୍ମୀମନଙ୍କୁ କାହା ସ୍ୱାର୍ଥ ପାଇଁ ଡ଼କାଯାଇଥିଲା ।
ସରକାର ଘରେ ଘରେ ସହାୟତା ପ୍ରଦାନ ପାଇଁ ବନ୍ଦୋବସ୍ତ କରୁଥିଲା ବେଳେ ଏତେ ସଂଖ୍ୟକ ମହିଳା କର୍ମୀମାନଙ୍କୁ ପ୍ରଚଣ୍ଡ ଖରା ରେ ଏକଜୁଟ୍ କରି ବାହା ବାହା ନେବା କେତେଦୂର ଠିକ୍ । ବହୁ ବୁଦ୍ଧିଜୀବି ମହଲରେ ଏହାକୁ ଗଭୀର ନିନ୍ଦା କରାଯାଇଥିବାର ନଜିର ରହିଛି । ତେବେ ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଏହି ନିଶ୍ଚିନ୍ତକୋଇଲି ଗୋଷ୍ଠି ସ୍ୱାସ୍ତ୍ୟ କେନ୍ଦ୍ରରେ ଆଜି ମଧ୍ୟ ୫ ରୁ ଉର୍ଦ୍ଧ୍ବ ପଜିଟିଭ କେଶ୍ ରହିଛି । ତେବେ ଏତେ ସବୁ କଟକଣା ମଧ୍ୟରେ ଖୋଦ ବିଧାୟକ କରୋନା କଟକଣା ନିୟମକୁ ଫୁ କରିବା ଘଟଣାଟି ସାଧାରଣରେ ଚର୍ଚ୍ଚା ର ବିଷୟ ପାଲଟିଛି ।
